Die liggaam van ʼn jong meisie is Vrydag op Muizenberg-strand in Kaapstad gevind.
ʼn Woordvoerder van die polisie, lt. kol André Traut, sê die meisie se liggaam was in die sand begrawe. “Omdat die meisie se liggaam aan die elemente blootgestel is, is dit nie nou al moontlik om haar te identifiseer of oor haar ouderdom te spekuleer nie.” Traut sê die oorsaak van haar dood sal met ʼn nadoodse ondersoek vasgestel word. Die polisie ondersoek ʼn saak van moord.