Mosambiekse spoegkobra Foto: http://wild4photographicsafaris.blogspot.com
Die vyfjarige Mikayla Robbertse gaan haar middelvinger verloor nadat sy verlede week deur ʼn Mosambiekse spoegkobra gepik is.
Die Star berig dat van die spiere in Mikayla se arm verwyder is. Mikayla se ouma, Charmaine Robbertse, sê haar kleindogter is Woensdag geopereer. “Die dokters moes spierweefsel van haar hand en arm verwyder. Hulle sê die gif het ʼn tonnel deur die spiere gevreet.” Mikayla se middelvinger sal Saterdag geamputeer word. Dokters was bekommerd dat die slang se gif weefselskade kon veroorsaak en sy haar hand kon verloor. Die slang het Mikayla op haar elmboog en hand gepik.
