Mensweefsel in vleisprodukte gevind

Argieffoto

Wetenskaplikes het glo spore van mensweefsel in Suid-Afrikaanse vleisprodukte gevind.

Times Live berig dié bevindings is Dinsdag in die parlement voorgelê tydens besprekings oor vleisinspeksies. Louw Hoffman, ʼn wetenskaplike aan die Universiteit van Stellenbosch, sê hy en ʼn span wetenskaplikes het op die mensweefsel afgekom deur mikrobiese analise. “Menslike DNA is in van die vleismonster gevind wat ons lukraak getoets het, maar dit is nie ʼn aanduiding van ʼn risiko nie,” het Hoffman gesê.

Hy het verduidelik dat mensweefsel moontlik in die monsters kon beland het weens werkers wat die vleis hanteer het, wat dalk in hul neus gekrap het of op ʼn ander manier menslike weefsel kon afgee. Hy sê verder dit hou geen bedreiging vir die verbruik in nie.

Daar is ook bevind dat slegs 15% vleisprodukte wat aan verbruikers verkoop word, korrek op die verpakking aangedui is. Dit beteken dat 85% vleisprodukte twyfelagtig is en ander vleissoorte kan bevat.

Hoffman het gesê die produkte wat getoets is, meestal weense worsies en maalvleis was.

Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Angelique

dis “disgusting” soos ek sou se. dit hou nie ‘n bedreiging in nie – dis mense wat in hulle neuse gegrou het? ag neeeeee van donkie vleis na snot, ek dink ek moet maar ‘n vegetarier word. Nee sies man.

Ann

Ag nee sies man. Wat het geword van higieniese omstandighede???

Marius Vermaak

Goeie snot! Dis net af!

Charmaine Grobler

Eeeuw eeuw eeeuw eeeuw eeeeuw en weereens eeuw! Se assblief vir my hierdie is ‘n Aprilgek grappie. Snot in my kos, aggenee!

HELENA SEABORNE

hiehiehie hulle sit idees in my kop.