Foto: Werner Beukes/SAPA
Rachel Ledwaba (37) is omstreeks 19:00 Dinsdagaand deur ʼn Opel Corsa omgery terwyl sy motoriste afgetrek het om inspeksies te doen op die R562. ʼn Woordvoerder van die Johannesburgse metropolisie, hoofsupt. Wayne Minnaar, sê die Opel Corsa se hoofligte was nie aangeskakel nie. Ledwaba is dood verklaar kort nadat sy by die Milpark-hospitaal aangekom het. Die bestuurder van die Opel Corsa is op die toneel in hegtenis geneem. Minnaar sê die man, in sy 30’s, sal van strafbare manslag of moord aangekla word.
