Metrobeampte in Johannesburg doodgeskiet

Foto: Werner Beukes/SAPA

ʼn Johannesburgse metropolisiebeampte is Dinsdagoggend in Pimville, Soweto doodgeskiet.

ʼn Woordvoerder van die metropolisie, hoofsupt. Wayne Minnaar, sê die beampte is naby Pimville-stadion doodgeskiet terwyl hy op pad was werk toe. “Hy is sewe keer geskiet en sy vuurwapen is gesteel. Die ondersoek duur voort. Dit is die tweede voorval in net vier dae.” Verlede week is ʼn metropolisiebeampte in Hillbrow doodgeskiet. Die beampte het glo ʼn taxi van die pad afgetrek, toe die bestuurder ʼn vuurwapen uitgepluk en die beampte doodgeskiet het. Die bestuurder het op die vlug geslaan en is kort daarna in hegtenis geneem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae