Metropolisie-hoë krimineel aangekla oor vervalste nommerplate

Die Justice Project South Africa (JPSA) het ʼn kriminele klag gelê teen die adjunkhoof van die Tshwane-metropolisie, Ndumiso Jaca, na berigte dat hy vervalste nommerplate gebruik.

Die Tshwane-metro het vroeër ’n ondersoek begin nadat dit aan die lig gekom het dat die BMW Z4, wat deur Jaca gebruik word, nie op die eNaTIS-stelsel geregistreer is nie. Die BMW Z4 sowel as die Harley Davidson waarmee Jaca ry het die nommerplaat BALTY GP. JPSA het Vrydag die klagte gelê en sê die grbuik van vals nommerplate is ʼn ernstige oortreding wat strafbaar is met ʼn hewige boete of tronkstraf van tot drie jaar. Die onafhanklike klagtedirektoraat, die Padverkeersbestuurskorporasie en die Tshwan-metro ondersoek ook die saak.