‘n Erge haelbui Woensdag in Bothaville in die Vrystaat het miljoene rand se skade aangerig aan mielie-, sojaboon- en sonneblomaanplantings.
Landbou.com berig tussen 80mm en 125mm reën het Woensdag in die gebied geval, ná die 50mm reën Dinsdag in die gebied tussen Bothaville en Klerksdorp. Jakkals le Roux, streekverteenwoordiger van Vrystaat Landbou, het gesê ‘n “hele paar boere” is deur die storm geraak. Die boere kan nog nie in die lande kom om die omvang van die skade te bepaal nie. Een boer in die omgewing beraam egter sy skade tussen R1.1 miljoen en R1.5 miljoen.