Minister gewaarsku oor ‘rookverbod’

RookverbodDie Vryemarkstigting (FMF) het Aaron Motsoaledi, minister van gesondheid, gekritiseer nadat hy versoek het dat “rook in alle openbare gebiede verbied word”.

Volgens die FMF is rook nie ʼn misdaad en tabak nie onwettig nie. Die stigting voel verder dat Motsoaledi se uitspraak inbreuk maak op die “individu se regte”.

Die minister het reeds in Oktober by die bekendstelling van ʼn 24 uur gesondheidstelevisiekanaal in Alexandra gewaarsku “ons gaan rook in openbare areas verbied”.

Die FMF het hul kommer uitgespreek dat dié besluit nie net die individu se reg op keuse beïnvloed nie, maar ook sakeondernemings, die fiskus, transformasie en die ekonomie direk sal raak.

“Dit is ʼn skending van private eiendomsreg om die eienaars van restaurante en sjebeens en die eienaars van ander private eiendomme wat voorsiening maak vir rookareas, te verbied om in hulle klante se behoeftes te voorsien.”

Die FMF het gewaarsku dat “individuele vryhede” nie maklik teruggekry kan word as dit eers verloor is nie. Volgens die FMF moet dié voorstelle met hand en tand beveg word voordat die regering beheer neem van die individu se reg op keuse.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

66 Kommentare

jongste oudste gewildste
Martin

Ek kan eenkeer saam met die minister stem.

ig

Baie goeie idee deur Aaron,Dan kan al die loodswaaiers en besoedelaars meer produktief wees.En op die koop toe sommer geld spaar ook deur minder te rook.Die FMF keer vir n vale want hulle is seker almal rokers

Daan Erasmus

TWAK. Tien uit Tien vir die minister. Een roker maak dit vir baie mense om hom onaangenaam. Gaan rook vêr van ander mense.

Klaas van Deventer

Geen mens het enige reg om kankerwekkende chemikaliE in die omgewing in te blaas nie, en ander mense se gesondheid in gevaar te stel nie. Dit behoort lankal in alle openbare plekke verbied te gewees het. Go for it minister Motsoaledi!

Zena

Ek wonder net wat maak dat hy as n individu so n besluit kan neem vir die res van die land se burgers. Ek self rook nie, maar ek sien nie wat die probleem is as iemand anders rook. dis regtig die persoon se keuse. Elke mens hanteer stres op n ander manier en dis een van sommige mense se “stress relieve”. agge nee, hy beter kyk of hy nie n ander manier kan vind om ander oordragbare siektes te bekamp nie en die rokers uitlos.