Die Westgate-winkelsentrum in Nairobi, Kenia het vanoggend in ’n slagveld verander toe minstens vyf onbekende, gewapende mans die winkel ingestorm en links en regs begin skiet het.
Minstens vyftien mense is in die aanval doodgeskiet terwyl minstens twaalf beseerdes op draagbare en in winkeltrollies uit die gebou gebring is. Skote het twee ure na die krisis begin het, steeds van tyd tot tyd opgeklink terwyl die polisie vir die verdagtes in die gebou gesoek het.
Die Somaliese militante-groep, al-Shabaab het al meermale gedreig dat hulle dié winkelsentrum gaan teiken, maar niemand het tot dusver verantwoordelikheid vir die aanval aanvaar nie.
Net n taal regstelling : in u berig die volgende. “al meermale gedreig dat hulle dié winkelsentrum gaan teiken, “. Volgens my moet dit lees telkemale. “. Ek mag verkeerd wees maar die sin klink nie reg nie. Met verwysing na die berig : dit klink soos Suid Afrika. Dis alledaags hier by ons. Misdaad is n Afrika probleem net soos hongersnood in die bodeel van Afrika.
Stem saam, maar sal graag by jou wil hoor waaraan jy die “Afrika probleem” toeskryf.