Johan Kotze, oftewel die Modimolle-monster, en sy drie medebeskuldigdes se verhoor hervat vandag in die Noord-Gautengse hooggeregshof. Kotze het sedert Februarie tyd in ʼn psigiatriese-hospitaal in Bloemfontein spandeer vir psigiatriese toetse. Kotze beweer die psigiaters wat hom vroeër in Weskoppies getoets het, het hom nie volledig getoets nie. Drie afsonderlike psigiaters het bevind dat Kotze sielkundig in staat is om verhoor te word.
Kotze, Andries Sithole, Pieta Mohlane en Frans Mphaka word daarvan beskuldig dat hulle 15 maande gelede Kotze se vervreemde vrou, Ina Bonnette, wreed gemartel en verkrag het. Hulle word ook aangekla dat hulle Bonnette se seun, Conrad, doodgeskiet het. Bonnette het gesê dat sy nie die hofverrigtinge gaan bywoon nie. Sy sal eers weer in die hof verskyn as die regter sy uitspraak lewer.