'Modimolle-monster' het aanval glo "haarfyn beplan"

Johan Kotze, die sogenaamde “Modimolle-monster” op 15 April 2013 in die hof Foto: Werner Beukes/SAPA

Johan Kotze het glo die marteling en bendeverkragting van sy vrou en die moord op haar seun haarfyn beplan, het die Pretoriase hooggeregshof Woensdag gehoor.

Aanklaer Cornelia Harmzen het aan Andries Sithole, een van Ina Bonnette se vermeende verkragters, gesê Kotze sou nie die moeite gedoen het om die misdaad te beplan en dan onwillige verkragters kry om hom te help nie.

Sithole, Pieta Mothlane en Sello Mphaka beweer dat hulle slegs voorgegee het om Bonnette te verkrag, aangesien Kotze hulle met ‘n vuurwapen gedreig het.

Hamrzen sê daar was geen DNA-bewyse nie en die verkragters het sykouse oor hulle koppe aangehad sodat die slagoffer hulle nie kon herken nie. Haar aanvallers het boonop geen inligting oor die ander op hul selfone gehou nie, sodat die polisie hulle nie kon opspoor nie. “Die martelinstrumente het gereed gelê in die kas. Toue was reeds aan die bed en diefwering vasgemaak. Dit dui alles op haarfyn beplanning,” het Harmzen gesê. “Dit sou nooit gebeur het indien die drie van julle nie saam met Kotze gewerk en nie saam beplan het om haar te verkrag nie.”

“Dit was vir jou ‘n wen-wen situasie,” het sy aan Sithole gesê. “Jy kon seks hê en is daarvoor betaal. Jy het haar eerste verkrag terwyl sy bloeiend daar gelê het. Jy het nie net daar staan en toekyk toe die ander twee haar verkrag het nie. Jy het haar vasgedruk terwyl Mphaka haar verkrag het.”

Harmzen voer verder aan Sithole het gejok toe hy gesê het dat Kotze hom en die ander met ‘n rewolwer gedreig het, aangesien Bonnette sê sy het nooit ‘n rewolwer gesien nie. Sy het slegs getuig oor die vuurwapen wat op haar gerig was. Bonnette se getuienis word gestaaf deur die feit dat die vuurwapen, wat op die toneel gevind is, gebruik is om haar 19-jarige seun, Conrad Bonnette, te vermoor.

Sithole sê indien Kotze enigiets beplan het, het hy dit alleen gedoen. Hy sê indien hy ‘n vuurwapen gesien het, sou hy en die ander twee Kotze oorrompel het, maar hy wou nie ‘n kans vat terwyl Kotze die rewolwer by hom gehad het nie, “want hy kon nie met sy lewe speel nie”.

Mohlane het later aan die hof gesê Sithole het hom en Mphaka aangesê om nie te getuig nie, maar hy het nie gedink Sithole bedoel dit ernstig nie. Volgens Mohlane het Sithole en Kotze die verkragting saam beplan.

Die hofsaak duur voort.

‘Modimolle-monster’ het aanval glo “haarfyn beplan”

ondersteun maroela media só

‘Mandela op lewensondersteuning’

Twee SA-groepe wil Obama in hegtenis neem

Het jy gehoor?

Nadal se seëvierende terugkeer

Nuwe neste in die ruwe orde

Al meer belasting vir al minder waarde

Tocqueville se lesse vir Afrikaners

Nou pra' jý

4 Kommentare

Peiling

nuus oor die verkiesing

Neutedop-nuusbrief