ʼn 20-jarige vrou van Modimolle is verwurg waarna haar liggaam aan die brand gesteek is – vermoedelik deur haar kêrel.
Luitenant-kolonel Ronel Otto van die Noordwes-polisie sê die 20-jarige Tlaela Leratho se liggaam is omstreeks twee-uur Maandagoggend langs die R101 buite Modimolle gevind. “ʼn Patrolliemotor van die polisie het vlamme langs die pad gesien. By nadere ondersoek het hulle Leratho se liggaam gevind,” het sy gesê.
Haar 26-jarige kêrel is Dinsdagoggend in hegtenis geneem. Hy sal binnekort in die hof verskyn.
