Die vliegtuig se vlugopnemers wys vlug TM470 het neergestort terwyl kaptein Herminio dos Santos Fernandes die Embraer 190 se stuuroutomaat gemanipuleer het op ʼn manier wat dui op ʼn “duidelike bedoeling” om die vliegtuig te laat neerstort, het ʼn voorlopige ondersoek van die Mosambiekse lugvaartowerheid bevind. “Die rede vir al die aksies is onbekend en die ondersoek duur voort,” het Joao Abreu, hoof van die lugvaartowerheid, gesê. Abreu sê Dos Santos Fernandes het homself in die stuurkajuit toegesluit, waarskuwingseine geïgnoreer en nie sy medeloods toegelaat om weer die stuurkajuit binne te kom nie.
Die vliegtuig het op 29 November in die Bwabwata- nasionale park neergestort. Die vliegtuig wat van Maputo na Luanda in Anglo gevlieg het se ses bemanningslede en 27 passasiers het in die ongeluk omgekom.
Raas koppie
wat is die probleem met Moz se vliegtuie? Hulle val sommer net so? en altyd in n vreemde land?