Polisieduikers is steeds op soek na ‘n 13-jarige wat Donderdag by De Bakke-strand in Mosselbaai vermis geraak het.
Marcus Chirombo het saam met sy oom gaan swem toe hy in die branders vermis geraak het, berig EWN. Bernadine Steyn van die polisie het gesê verskeie spanne neem aan die soektog deel. “Die polisie se duik-eenheid patrolleer die kuslyn saam met polisielede van Mosselbaai,” het sy gesê.