ʼn Motorfietsrenjaer is Sondag dood tydens die Dag van Kampioene se renafdelings by die Zwartkops-renbaan, in die weste van Pretoria.
Motorsport SA sê Wim Pretorius (37) het aan die Thunderbikes-wedren deelgeneem toe hy omstreeks 9:24 Sondagoggend ʼn ongeluk gehad het. Pretorius is onderweg na die hospitaal oorlede. Hy het in 2011 die Thunderbike B-klas klubkampioenskap gewen. “Motorsport SA wil graag sy innige meegevoel betuig aan sy geliefdes, familie en vriende,” het ʼn woordvoerder van Motorsport SA, Estie du Toit, gesê.