Die foto is deur die gebruiker @bronwynpillay op Twitter gelaai.
ʼn Woordvoerder van ER24, Derrick Banks, sê die ongeluk het omstreeks 7:00 Maandagoggend plaasgevind in die rigting van Cresta. Die 24-jarige motorfietsbestuurder het glo beheer verloor oor sy motorfiets voor hy teen die veiligheidsvoertuig gebots het. “Hy is in die lug geslinger en het op ʼn bewegende voertuig te lande gekom voor hy in die pad geval het.” Die man het ernstige interne en kopbeserings opgedoen sowel as verskeie beenbreuke. Hy is op die toneel dood verklaar. Die polisie ondersoek die saak.
