ʼn Motorfietsryer is Donderdagoggend in ʼn botsing in Pietermaritzburg dood.
Chris Botha, ʼn woordvoerder van Netcare911 in KwaZulu-Natal, sê die man was in sy dertigs en die voorval het in Townbushweg, in Chase Valley, plaasgevind.
“Volgens ooggetuies het die motorfiets van die pad af gedwaal en teen ʼn paal gebots. Dit is egter nog onbevestig en die polisie ondersoek die voorval,” het Botha gesê.
Die man se liggaam is ‘n paar meter van die wrak aangetref. Hy is op die toneel dood verklaar.