ʼn 37-jarige motorfietsryer is Sondag op die N1 naby Nasrec, suid van Johannesburg, vasgetrek nadat hy meer as dubbel die wettige spoedgrens gery het.
ʼn Woordvoerder van die Johannesburgse metropolisie, hoof supt. Wayne Minnaar, sê die man van Alberton het 245km/h gery op sy groen Kawasaki motorfiets. “Hy is in hegtenis geneem vir roekelose en nalatige bestuur.” Minnaar sê hy sal ook op ʼn bykomende aanklag tereg staan aangesien sy nommerplaat nie op die motorfiets vertoon is nie. Die man sal Maandag in die Roodepoort landdroshof verskyn.
– SAPA