Mpuma-ongeluk eis 5

Vyf mense is dood nadat twee voertuie Sondagaand mekaar reg van voor naby Ermelo in Mpumalanga getref het.

Joseph Mabuza, woordvoerder van die departement van veiligheid in Mpumalanga, het Maandag gesê ʼn wit Toyota-voertuig met agt insittendes was onderweg na Piet Retief toe dit ʼn ander voertuig verbygesteek en in ʼn aankomende minibus-taxi vasgery het.

“Die Toyota se bestuurder en vier passasiers is op slag dood. Ses ander mense is in ʼn ernstige toestand na die Ermelo-hospitaal geneem,” het Mabuza gesê.

LUR Vusi Shongwe het sy meegevoel aan die families van die slagoffers betoon. “Hierdie tipe ongelukke kan verhoed word indien motoriste die padreëls gehoorsaam,” het Shongwe gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.