Mugabe regime “steel” glo $2 miljard se diamante

Volgens ʼn diamanthandel-organisasie is diamante ter waarde van sowat $2 miljard van Zimbabwe se oostelike diamantvelde gesteel en gebruik om president Robert Mugabe se regerende sirkel te verryk.

Partnership Africa Canada (PAC), ʼn lid van die Kimberley Process, die wêreldregulerende liggaam vir diamanthandel, het Maandag ʼn verslag uitgereik wat beweer dat Zimbabwe se Marange-velde deur die Mugabe regime geplunder is. Luidens die verslag het ʼn groot gedeelte van die inkomste uit die velde nooit die staat se koffers bereik nie. Die PAC-verslag, wat Maandag bekendgestel is, om met die Zimbabwiese regering se konferensie in Victoria Falls oor diamanthandel saam te val, is ʼn donker wolk oor die Mugabe regime se poging om internasionale respek vir sy edelgesteente-handel in te win.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.