Die Roodepoortse landdroshof in Gauteng het Dinsdag uitspraak gelewer in die kwaito-musikant, Brickz, se borgtogverhoor.
Landdros Piet Kotze het gesê borgtog vir Brickz, oftewel Sipho Charles Ndlovu, word geweier omdat daar oortuigende bewyse is dat die moontlikheid bestaan dat Brickz die getuies sal intimideer.
Brickz is sedert 1 November in aanhouding nadat hy glo ʼn 17-jarige meisie in Maart verkrag het. Brickz het in ʼn verklaring ontken dat hy die meisie verkrag het en het aangedui dat hy onskuldig gaan pleit.
Die saak is tot 5 Desember uitgestel.
Lees ook:
Musikant hoor dalk môre oor borg
Musikant in hof oor verkragting