Martin Labuschagne met Jan Blohm in die agtergrond. Foto: Facebook
Martin Labuschagne, ook bekend as Basvanger, wat vir die sanger Jan Blohm baskitaar gespeel het, is Woensdagoggend dood.
Labuschagne, ʼn inwoner van Alberton, was vir twee weke lank in ‘n kritieke toestand in die Alberton-Uniehospitaal nadat hy ʼn ernstige infeksie opgedoen het. Septisemie is by hom gediagnoseer. Septisemie word deur ‘n bakterieë in die bloed veroorsaak.
Jan Blohm het Woensdag op Facebook gesê: “Dit is vir ons bitter hartseer om julle mee te deel dat Martin vanoggend 02:00 oorlede is, of soos hy sou sê, ‘uit die vlees uit’. Ons het ‘n briljante musikant, boesemvriend en dierbare mens verloor. Ons is stukkend! Martin het die afgelope 6 jaar vir my baskitaar gespeel. Hy was meer famous as ek. :-) Hy was net so deel van die Jan Blohm brand soos ek. Ons gaan jou mis vriend! Ons is bitter lief vir jou!” [sic]
Begrafnisreëlings is nog nie in die stadium bekend nie.
