ʼn Babadogtertjie vir oud-Springbok John Smit

Taylor Rose Smit

Die oud-Springbokkaptein, John Smit, is ʼn babadogtertjie ryker. Smit het Woensdagmiddag ʼn foto van baba Taylor Rose Smit op Twitter gelaai en geskryf: “Die Here het ons met ʼn pragtige dogtertjie geseën vandag. Ons is nou amptelik ʼn gesinnetjie van vyf!” Die “gesinnetjie van vyf” bestaan uit Taylor Rose, John, sy vrou, Roxane, dogter, Emma-Joan, en seun, Tyron.

Smit, wat vir ʼn geruime tyd in Engeland vir die Saracans gespeel het, neem op 1 Julie die leisels oor as die uitvoerende hoof van die Natal Sharks. Die Sharks se huidige uitvoerende hoof, Brian van Zyl, sal tot 28 Februarie 2014 as mentor by die Sharks aanbly om Smit te ondersteun.

Trotse pa, John Smit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.