Namibië se eerste minister afgedank

Hifikepunye Pohamba, president van Namibië, het Dinsdag sy eerste minister afgedank.

Pohamba het aan joernaliste gesê hy het Nahas Angula, wat bykans agt jaar lank eerste minister was, na die ministerie van verdediging oorgeplaas. Hy word vervang deur Hage Geingob, wat ná ʼn afwesigheid van 10 jaar, in sy pos heraangestel is.

Agt ministers, agt adjunk-ministers en drie van die land se 13 streeksgoewerneurs is ook in die parlementverskuiwings afgedank.

Geingob is tans minister van handel en nywerheid, maar was ʼn paar jaar lank in die “politieke wildernis” nadat oud-president Sam Nujoma hom afgedank het.

President Pohamba se termyn verstryk in 2015 en talle vermoed Geingob gaan dié pos by hom oorneem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.