Menzi Simelane, nasionale direkteur van openbare vervolging (NPA), is uit sy pos verwyder.
“Hy werk nie meer by die NPA in enige kapasiteit nie,” het Bulelwa Makeke, woordvoerder vir die NPA, aan The Times gesê. Makeke het nie enige verdere besonderhede verskaf nie. Die konstitusionele hof het in Oktober bevestig die hoogste hof van appèl het in die guns van die Demokratiese Alliansie (DA) beslis dat pres. Jacob Zuma se aanstelling ongeldig was. Ná die uitspraak is Nomgcobo Jiba as waarnemende nasionale direkteur van die NPA aangestel, maar geen verdere besluit jeens Simelane se posisie is bekendgemaak nie.