Nege mense is dood en drie is beseer nadat ʼn bakkie en vragmotor op die R22 in die noorde van KwaZulu-Natal gebots het.
Robert McKenzie, woordvoerder van die provinsiale nooddienste, het gesê die ongeluk het Sondagaand om 19:00 plaasgevind. “Twaalf mense was op die bakkie toe die ongeluk plaasgevind het,” het McKenzie gesê. “Die nege mense is op die toneel dood verklaar.”
Die drie persone wat beseer is, is na ʼn nabygeleë hospitaal geneem vir verdere behandeling.
Die vragmotorbestuurder is ongedeerd.