Die begrafnisreëlings vir die boeremusiek-legende Nico van Rensburg is bekendgemaak. Van Rensburg is Sondagoggend in die ouderdom van 76 oorlede weens hartversaking.
Sakkie Kotze, wat as die familie se woordvoerder optree, het aan Maroela Media gesê Van Rensburg se begrafnis vind Donderdag om 10:00 vanuit die Hervormde Kerk in Irelandweg, Eldoraigne in Centurion, plaas.
Van Rensburg was veral bekend vir die Nico van Rensburg-boereorkes wat vroeër weekliks op Maak ʼn Las op SABC2 te sien was. Hy was ʼn gesoute konsertinaspeler en het verskeie toekennings ontvang in sy loopbaan van meer as 50 jaar waaronder ʼn South African Music Award (SAMA) vir beste boeremusiekalbum.
Lees ook:
Boeremusiek-legende sterf