Johan Kemp en sy gesin. Foto: Facebook
Niemand is nog in hegtenis geneem vir die moord op Johan Kemp, die voormalige rugbyspeler vir die Leeus wat Donderdag deur inbrekers in sy huis in Randburg doodgeskiet is nie.
Lt.kol. Lungelo Dlamini het Dinsdag aan Maroela Media gesê die drie inbrekers is nog soek.
Maroela Media het vroeër berig Kemp is Donderdagaand omstreeks 02:00 by sy huis in Fontainebleau deur drie inbrekers aangeval. Hulle het Kemp in sy slaapkamer oorval en drie keer in die bors geskiet. Sy vrou, Elaine, en hul twee seuntjies, onderskeidelik twee en vier jaar oud, is ongedeerd. Die gesin se twee honde is met ‘n mes gesteek, maar het die voorval oorleef. Lees meer hier.
