Noag se ark was nie, soos algemeen aanvaar word, ovaalvormig nie, maar rond. Dis altans volgens ‘n 4 000 jaar oue Mesopotamiese kleitablet wat pas ontsyfer is en van Vrydag af in die Britse Museum uitgestal word.
Die persoon wat die ontsyfering gedoen het, dr. Irving Finkel, meen die inskrywing op die kleitablet kan moontlik die oorspronklike weergawe wees waarop latere weergawes van die verhaal van Noag se ark, waaronder die Bybel en Babiloniese geskrifte s’n, geskoei is.
Soos die Bybelse weergawe, bevat die kleitablet besondere detail en instruksies oor die bouwerk van die ark. ‘n Span ingenieurs wat van Indiese werkers gebruik maak, het reeds aan ‘n replika begin bou wat later vanjaar op Channel 4 gebeeldsend gaan word. Die afmetings van die ronde ark is byna 71 meter in deursnee en sewe meter hoog.
Bronne: Haaretz, The Guardian, Trouw