Nóg ‘n Malema-huis verkoop

Mopaneweg 23, Florapark, Polokwane Foto: Google Earth

Nóg ʼn huis van die voormalige ANC-jeugligaleier, Julius Malema, sal oor twee weke op ʼn veiling verkoop word, het die Sowetan Donderdag berig.

“Die huis in Florapark in Polokwane sal na verwagting tussen R1 miljoen en R1.5 miljoen op die veiling haal,” het Aagie Stroh, van Eli Stroh Properties, gesê. “Die veiling vind op 23 Julie plaas.” Hy sê die huis is “baie mooi en skoon”, maar is bekommerd dat die ekonomiese klimaat die waarde kan beïnvloed.

Die Suid-Afrikaanse Inkomstediens (SAID) het Malema se eiendomme begin verkoop in ʼn poging om R16 miljoen, wat hy hulle glo skuld, te verhaal. Sy huisinhoud is in Februarie vir R54 000 verkoop en in die middel van Mei-maand is ʼn onvoltooide huis vir R5.9 miljoen verkoop. Malema het in 2009 R3.6 miljoen vir dié huis betaal.

ʼn Plaas wat aan Malema behoort is in Junie vir R2.5 miljoen verkoop.

Stroh kan nie bevestig of Malema se huis in Seshego, Polokwane, waar sy ouma bly, ook verkoop gaan word nie.

Malema sal na verwagting Donderdag sy nuwe politieke party, die Economic Freedom Fighters, by Constitution Hill bekendstel.
-SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Chris ·

Polokwane? Die Nederlandse Taalunie erken nie dié naam nie. In Nederlands is én bly dit Pietersburg.

Kaspaas ·

Dit is net die libtards en die barbare wat lief is vir die Afrika name. In Duitsland praat hulle ook nog “Johannesburg Internasionale Lughawe” ipv die Tambo knaap.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.