ʼn Motorfietsryer is dood nadat hy Dinsdagaand teen ʼn bakkie vasgery het in Tuine, Pretoria, het Gauteng paramedici gesê.
“Hy het nie ʼn polsslag gehad nie, en het ook nie meer asem gehaal toe paramedici by hom kom nie,” het ER24-woordvoerder, André Visser gesê. Paramedici kon hom nie laat herleef nie. Die oorsaak van die ongeluk is nie bekend nie. Die bestuurder van die bakkie is ongeskonde.