Nog twee bestuurders van die Suid-Afrikaanse Lugdiens (SAL) het Maandag hul bedankings ingedien.
Theunis Potgieter, algemene handelsbestuurder, en Sandra Coetzee, hoof van regs- en risiko, het bedank net nadat Siza Mzimela, hoof uitvoerende beampte, haar bedanking Maandag ingedien het, berig EWN. Cheryl Carolus, voorsitter, het verlede week saam met ses raadslede, haar bedanking aangekondig. Mzimela sê haar bedanking was weldeurdag.