ʼn Trein het Woensdag ʼn voertuig in Umgababa naby Durban getref en “wonderbaarlik” het die insittendes nie ernstige beserings opgedoen nie.
Vanessa Jackson, ʼn woordvoerder van ER24, het Donderdag gesê ʼn volgelaaide minibustaxi het ʼn treinspoor in die R102-pad oorgesteek toe die trein die voertuig getref het. “Die taxi is teen die linker-agterkant getref en is regs van die treinspoor aangetref,” het Jackson gesê.
Sy het gesê passasiers wat agter in die taxi gesit het, het matige beserings opgedoen.
“Hulle het wonderbaarlik nie ernstige beserings opgedoen nie. Die ander passasiers in die taxi is nie beseer nie. Nadat hulle ondersoek is, het hulle op hul eie die toneel verlaat.” Die beseerdes is na ʼn nabygeleë hospitaal geneem vir verdere behandeling.
Sondagaand is twee mense dood en 18 beseer nadat ʼn trein ook ʼn minibustaxi in KwaZulu-Natal getref het.
Nog n minibus taxi, Verban die goed.
Arme pasasiers.
Lyk my die bestuurders van taxies kan nie lees nie of hulle ignoreer alle pad tekens.
Justi, of hulle is dronk.