Cedric Gina, die president van die National Union of Metalworkers of SA (Numsa), het glo Maandagmiddag bedank.
Hy het tydens ʼn onderhoud met eNCA, gesê hy het omstreeks 15:00 ‘n brief aan die topbestuur van Numsa gestuur en sy bedanking daarin aangekondig.
Gina het aan eNCA gesê dat terwyl sommige vakbondleiers sou saamstem oor een ding, ander boodskappe aan die media oorgedra word wat hulle ooreenkoms weerspreek. “Ek verwys na gerugte dat Numsa die alliansie [Cosatu] gaan verlaat, asof daar reeds ʼn besluit daaroor geneem is,” het Gina gesê. “Daar is nog geen besluit geneem om van Cosatu te skei nie.”
Castro Ngobese, die vakbond se woordvoerder, het egter gesê hy is nie bewus van Gina se bedanking nie. Irvin Jim, Numsa se hoofsekretaris, was nie vir kommentaar beskikbaar nie.
– SAPA
Lekker man ….. ons staan op die kant lyn en kyk hoe die anc uitmekaar skeur!