Nuuskommentaar: Grondgryp nou in Zuma se hande

Jacob Zuma. Foto: Flickr/GovernmentZA

Jacob Zuma. Foto: Flickr/GovernmentZA

Pres. Jacob Zuma het nou die finale sê oor die goedkeuring van die omstrede onteieningswet. Naas die juridiese proses, is daar ook ʼn proses van groot verwagtinge teenoor ʼn harde muur van realiteit wat konflik kan veroorsaak.

Die finale goedkeuring van die wetsontwerp op onteiening is nou in die hande van die man wat by herhaling verkondig wittes het hul grond bekom deur dit van swart mense te steel, naamlik pres. Zuma.

Pogings om die werklike toedrag van die geskiedenis aan Zuma voor te hou, het nie ʼn duik aan persepsies gemaak nie en trouens eerder ʼn verontwaardigde reaksie ontlok. Boonop is Zuma nie baie spraaksaam oor wie se grond swart mense gevat het toe hulle hulself in die land kom vestig het en wat dan van hierdie KhoiSan-eise sou word nie.

Dit krap dat die ANC spog dit beteken nou die einde van die beginsel van vrywillige verkoper, vrywillige koper. ʼn Waardeerder-generaal sal nou ʼn realistiese prys bepaal, wat die vraag laat wat gebeur in gevalle waar die waardasie so laag is dat die onwillige verkoper nie sy verbande en lenings op dit wat onteien word, kan aflos nie.

Omdat die woord “eiendom” nie behoorlik gedefinieer word nie, is dit tegnies moontlik dat nie net huise en plase onteien kan word nie, maar ook vee en selfs pensioenfondse. Die ANC se vreemde weiering om hierdie onsekerhede op te klaar, is onrusbarend.

Vrese van spesiale gevalle waar onteiening sonder vergoeding kan geskied, is ook nie heeltemal besweer nie. Dit hou verband met die gebruik van die woord “voogdyskap”, wat in die geval van die land se mineraleregte, op onteiening sonder vergoeding neergekom het en deur die Konstitusionele Hof goedgekeur is. Volgens regsadvies wat Agri SA ingewin het, lyk dit egter asof daar wel woord-skanse in die wet hierteen behoort te wees.

Boonop is ʼn wetsontwerp uit die kabinet onderweg wat grondgroottes gaan beperk.

Hoeveel ander “ondersteunende wetgewing” gaan nog hul opwagting maak om die staat se honger na grondaankope, maar met ʼn leë staatskas, te bevredig? Die regering skep verwagtinge wat steeds enorme eise aan die uitgedunde staatskas sal stel, al sorg die waardeerder-generaal dat pryse “realisties” is.

In sy staatsrede het Zuma gesê wetgewing sal voortaan aan behoorlike sosio-ekonomiese toetsing onderwerp word. Dit is nie nou gedoen nie, maar Zuma verkondig gereeld grondbesit is rykdom (wat tot dusver in grondhervormingsaksies dikwels die teenoorgestelde was) en daarom is so ʼn ondersoek seker oorbodig geag.

Presies hoe wys dit was om die wetsontwerp goed te keur terwyl twee graderingsagentskappe sommetjies maak of Suid-Afrika se kredietgradering afgegradeer moet word, sal binnekort blyk. Indien dit tot rommelstatus bydra, was dit ʼn bitter duur proses. Dit is in elk geval moeilik om te sien hoe dit nie beleggersvertroue kan skaad nie.

Dit sal nou interessant wees om te sien of iemand of ʼn instansie die grondwetlikheid van die wetgewing in die howe sal gaan toets. Die Vryheidsfront Plus het reeds gesinspeel op leemtes in artikel 25 van die Grondwet, wat dit laat lyk asof die probleem eerder by die Grondwet as die wet lê.

Die groot probleem gaan intussen wees dat die wetgewing en die gepaardgaande propaganda, groot verwagtinge kan skep oor ʼn Utopia wat voorlê en dat enige poging tot realisme as polariserende “pretbederwery” beskou word, met ʼn toename in spanningsvlakke in die land.

 

Meer oor die skrywer: Herman Toerien

Herman Toerien is ‘n veelsydige vryskutskrywer. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Nuuskommentaar, Rubrieke

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

40 Kommentare

Tammy ·

Oe nee, om in die hande van n man met meer as 780 sake Teen hom te wees, is om in die vuur te spring en jouself te verkool n baie maklikder opsie. Dis tog wat vir jou wag, of nog iets erger!!

alida ·

Goeie artikel Herman. Die skelm sal natuurlik al die grond vir homself en sy duisend kinders opeis.

JC ·

Afriforum gaan Hof toe oor hierdie wet! Dis nou die tyd om nie ‘n tree terug te staan nie en te veg vir ons regte! Hierdie Wet MOET vir grondwetlike legitimiteit getoets word en Afriforum gaan dit doen!

Paul ·

Die term “grondgryp” is misleidend. Dit gaan nie oor grond alleen nie. Dit gaan oor ENIGE soort eiendom.

Flippie ·

New E, die skrif was al lankal teen die muur. Dis nou die nagmerrie wat vetder gaan intensifiseer.

JC ·

Eh…ja…wat beteken dit nou eintlik? Moeg vir hierdie negatiewe mense, wanneer positiwiteit nodig is!

PJ ·

Ons manne, de klerk en kie het darem n uitstekende skikking vir ons beding nogal met wigte/teenwigte en al pragtig

alida ·

Gelukkig as ons val dan val Zuma en sy kaders almal saam. Mens kan nie grond eet nie, skole gaan nie vanself heropgebou word nie. Zuma het nou al soveel skade aangerig is daar dan NIEMAND wat kan opstaan teen die skelm nie.

Flippie ·

Het Mugabe geval toe sy land rondom hom ineengestort het? Nee, hy is steeds een van die wereld se rykste mans.

cherokee ·

Jy oordryf Flippie. Mugabe is slegs ryk in Zimbabwiese terme. Dir rykes in die wêreld het geld hoor… en nie in zim-dollars nie.

Schalk ·

Ek sal graag wil weet waar die proses gaan begin want verseker gaan die sukkelende boere nie eerste geteiken word nie. Ons sogenaamde Megaboere wat in die program verskyn het sal seker in die visier wees.
Watter gevolge ookal hieruit mag voortspruit sal seker weer herroep word sodra iemand wat deel van die voorheen benadeelde en nou die toekomstige bevoordeelde groep se eindom in gedrang gaan kom.
Ek hoop net dat dit nie ons voedselverskaffer produktiewe boere gaan beinvloed in toekomstige uitbreiding en beleggings nie.

anni ·

makliker gese as gedaan. Hier gaan groot oorlog kom as Zuma dink hy gaan net eiendom vat!!!!!!

NEL ·

o Genade nou raak hulle verwaand, sien in die plaaslike koerant van Komatipoort dat Malema het ‘n besoek hier afgele en die mense belowe hoe hy die vooruitstrewende boer se grond sal vat, Kan hom belowe dit is nie net vir kom vat nie, As jy gaan kyk op die pad na Mananga grenspos na Swaziland hoelveel duisend onbewerkte hektare grond daar le wat niks op geplant word nie, wil ek nie weet wat wil hulle met nog grond wat binne ‘n jaar in onbruik gaan wees maak nie.

Melt Olckers ·

Iemand moet aan hierdie idiote(die ANC) verduidelik dat indien produktiewe plase gevat word gaan dit lei tot groter werkloosheid. Die plase gaan nie gegee word aan bestaande produktiewe boere nie, maar aan getroue volgelinge van Zuma.

Karma ·

Hulle krap aan die boere se agterente en ons is besig om dik te raak (dit is nou in mooi Maroela Media-gunstige taal gestel). Hier in Worcester is ons mense reeds besig om te mobiliseer in die vorming van meer en meer GPF’s en buurtbeskermingseenhede omdat die misdaad so toeneem in gereeldheid en vlak van geweld. Mense, julle moet regmaak vir burgeroorlog. Dit is nie so vergesog en ver in die toekoms as wat almal dink nie.

humor ·

Met die trant van wetgewing rakende die onderwys en nou ook grondonteiening is dit duidelik daar is n verkiesing op hande. Byna seker ter wille van demonstrasie sal daar iewers onteiening nog voor die verkiesing plaasvind.

vermeende ·

Herman die een het jy mooi vasgevat.

Vir al die liberale blankes wat hier lees, om te boer is n beroep en n eie ondernemng. Julle wat so posetief oor die gebeure is, julle wat so gemaklik vereis na die seunse weenkoor, het julle n heenkome vir die toekomstige onteiende boere. Waar sal hy sy beroep kan voortsit, op n balkon in n woonstel?
Gaan staan jou werk en jou onderneming eers af dan kom se jy weer “WEES POSETIEF, STAAN SAAM EN BOU DIE LAND”

Net ironies hoe aantreklik die besweerde gedagte vir n eie volkstaat nou word.
Nou is dit te laat, honger, gaan ons almal nog kry in die land.
Net n verasdige mens stel eise, n honger mens bedel.

Bosveld G ·

Jy’s reg, die probleem is as dit sekere ous nie so erg raak, maak dit nie saak nie. Elke ou dink net aan homself… By vergaderings sien jy , ń ou werk saam as voordeel vir hom bestaan, nie dan kretiseer die ou of vind fout. Hier ook, die ou in die dorp het sy pay en oor n tydjie gaan op verlog ens ens.. Hierdie gemors dink hy raak hom nie, Pasop ons almal gaan afchop en die politiek korrektes wat vinnig afgestig het sit nog steeds om dieselfde vuur …

JC ·

Skrik wakker toe! Die GW laat selfbeskikking binne ‘n territoriale gebied toe-‘n volkstaat is ‘n werklikheid en ‘n groot realistiese alternatief!-gaan kyk na Art 235 van die Grondwet asb!

GJ de C K ·

Nou maar, JC, neem die inisiatief! Wys ons hoe. Begin ‘n volkstaat!

Geskiedenis Herhaal maar weer ·

Hier kom ‘n ding mense.. die ding raak elkeen van ons.. groot en klein, sakeman of boer.. daardie Wet is geskep om die klein groepie (minderheidsbevolking) die finale nekslag toe te dien! Eers het die infiltrasie klein en onskuldig begin met advertensies, later sepies en skole toe die hele BEE ding by werksplekke en kwotastelsels by universiteite en sport (wat niks anders as rasse diskriminasie is) en kyk nou waar staan ons nou.. nou gaan grond geneem word! Wat as die grond aan ‘n maatskapy behoort? Dink jul dit sal vrygespring word? Natuurlik nie.. en dit beteken vir my slegs een ding.. dat kort voor lank gaan daar selfs wetgewing geskep word wat jou van jou maatskappy kan onteien.. want wat is die verskil en waar gaan die streep getrek word? Moenie dink Art 25 van die Grondwet beteken veel nie.. soos my oupa altyd gesê het vir ‘n eerlike man het jy geen kontrak nodig nie, maar vir ‘n man wat indoen is selfs nie die veiligste kontrak nie waterdig genoeg nie.. en dan verwys ek jul na Piet Retief se traktaat( kontrak wat beeste vir grond geruil het) wat ONDERTEKEN was.. en onteer was.. en nie net dit nie.. ook is die ander party afgemaai daardie dag en moenie dink die beeste was terug besorg nie.. nee dit was behou! So moet nooit dink die grond is gesteel nie.. Daar is met baie beeste en baie bloed daarvoor betaal.

Maria van Dieweeck ·

Hulle gaan nooit betaal nie, hulle gaan vat en moor

Rynhardt ·

Mandela het in ’95 n slagspreuk gehad:”Playing the enemy!”Terwyl hy n wonderlike persoon voorgestel het vir SA en wereld, het hy geweet dat die trawante wat na hom gaan kom, volle uitvoering aan die Vryheidsmanifes moes gee! Die massas is vir jare grond belowe, n tipe wonderlike Utopia gaan heers vir hulle, volgens die Anc.Terwyl staat met hope grond sit, moet die blankes met roofwetgewing van alles gestroop word! Ongure karakters het nog verder gegaan om leuens onder die massas te versprei dat blankes grond gesteel het! Die nuutste op E-Tv was sopas uitgesaai.Die Anc se gehoirsame spreukbuis, die SAUK gaan nie meer dekking van betogings en moleste gee nie! M.A.W.jy kan nou lekker op n roof en moordtog gaan! SAUK wys al hoe meer sy ware kleure! Woonbeurte regoor SA sal moet begin wakker raak asook plaasbesettings kan ook nou vinnig begin toeneem!!

Lance ·

Le die finale se nou by DIE man …what a hot steamy mess !!!

M'Lady ·

n Mens leef in vrees elke dag oor wat die ANC se volgende plan teen die blankes is. Die vraag is wat gaan ons doen of gaan ons soos vee slagpale toe?

mandie ·

dink die ANC die boere het nie skuld nie? Wat as boere lenings by banke het? Dan is die banke in werklikheid die eerste eienaar en nie die boer nie. Dan moet ANC baklei teen banke- hul sal sleg2de kom want daar sal n wet wees wat banke kan beskerm?

Willem ·

Hulle gaan seker hierdie kommentaar ook verwyder.
Almal praat, almal Kla, mense word vermoor, ons grond word gesteel. Niemand doen iets daar teen nie. Ons is Leierloos, rugraat loos. Die anc mense verstaan nie die werklike geskiedenis nie.
Hoe kom ons hier uit as ons nie saamstaan nie?.
Ons gaan niks oorhe as ons so aangaan nie-dit is nie net die ANC nie-ONS het ook skuld.
Ons moet OPSTAAN!.. Slaan hulle waar dit seer maak-begin by belasting.

vermeemde ·

CJ, artiekel 235 maak voorsiening vir selfbeskikking waar jy in die meerderheid is en waar is die blanke in die meerderheid, die suipgate en op die paweljoen by die rygby.

Soos Mandela gese het “Kom ons onderhandel daaroor maar dit sal nooit gebeur nie”
Dit het nooit gebeur nie.

John ·

Op Geloftedag het die Boere nie onbeheers beserk geraak nie. Hulle het die Hemelvader gesoek en ernstig gebid. ‘n Stille vertroue het in die gemoedere geheers onder al die gewerskaf. Die getuienis na’ die gebeure het op Bomenslike ingryping gedui volgens die vyand self. Ons jaag baie spoke op, angs en vrees oorweldig baie mense en ons geloof laat ons in die steek. Die moontlikheid is groot dat gierigheid en hebsug die onderskeie groepe in betrokke gebiede teen mekaar gaan laat opstaan en tweespalt tot onderlinge gevegte lei. Duisende uitlanders sal ook oppertunistiese eise stel en voorrang probeer kry. Die ANC en die EFF kompeteer reeds en daar is baie stamme en hoofmanne en almal het idees oor wat hulle toekom. Ek voorsien chaos en hoogdrama tussen hierdie groepe. Engels oorbrug nie alles nie.

Amanda ·

Laat elkeen sy eie heil uitwerk, moenie nalaat om PS 91 te lees oor julle eiendomme nie. Soos die Israeliete, aan wie se deurposte die bloed van ‘n lam was, ontkom het aan die dood van hulle eersgeborenes, so het ons die Bloed van Jesus Christus wat ons sal bewaar.

GJ de C K ·

Amanda, dankie vir jou kommentaar!

Jou raad is vir my die beste, al lyk dit vir sommige van ons dalk irrasioneel en onprakties.

Wanneer ons saak met God en mekaar (broers en susters van die Christendom) in orde is, DAN kan ons reg optree EN dan sal Jesus, met die Hemelse leërmagte saam VIR ons optree!

Maar selfs die mees toegewyde onder ons kan dalk sukkel om God se hulp raak te sien, net soos Josua wat nie geweet het of die “Leërowerste van die HERE” vir Israel of Kanaän kom baklei het nie:

“En terwyl Josua by Jérigo was, slaan hy sy oë op en kyk, en daar staan ‘n man teenoor hom met ‘n ontblote swaard in sy hand; en Josua het na hom gegaan en hom gevra: Behoort U by ons of by ons vyande?
En Hy sê: Nee, maar Ek is die leërowerste van die HERE; Ek het nou gekom…

… Toe het die HERE vir Josua gesê: Kyk, Ek gee Jérigo met sy koning en dapper helde in jou hand.” (Josua 5:13 – 6:2)

Geseënd is jy Amanda – wat jou nie skaam vir die waarheid en vir God se naam, die Naam bo alle name: Jesus die Christus!

Barry ·

Amen,Amanda…AMEN.Mense..waar is julle geloof?As God dan vir ons is,wie kan teen ons wees???Bid..bid..BID.Ons almal moet op ons knië gaan en vra vir leiding van God!Hy sal vir ons ñ uitweg verskaf.Glo.

Andrea ·

@G J de C K
Baie dankie vir jou insette. Dit is verrykend. Hou asb vol daarmee; ons het geestelike leiding bitter nodig in hierdie tyd waarin ons ons bevind.
Oral lees ek vrae wat ek ook vra: wat staan ons te doen? Hoe staan ons saam? Prakties? Moet ons ghettos maak soos die Jode vroeër in Europa met ons eie skole, hospitale, winkels binne die grense van die omheinde area, gepolisieër deur ons eie sekuriteitsmaatskappye? Boere doen dieselfde tipe ding op plase? Hoe voer ons hierdie dinge, hierdie saamstaan, die noodsaak van oorlewing prakties uit?
Ek is doodernstig: waar en hoe begin ons? Het Solidariteit en Afriforum dalk raad? Inligting vanuit ander lande?

John ·

Die hof is dalk ‘n goeie plek om te begin. Mens wonder of dit grondwetlik is om grondeise weer toe te laat na 22 jaar nadat die vorige eise toegeken is. Gierigheid is ter sprake. Dis lekker om nou ‘n klomp mondelinge getuies as feite te aanvaar. ‘n Ander kwessie is die reg van nuwe eise soos om na ‘n egskeiding skielik na 22 jaar spyt te wees jy het nie ook die strandhuis en die Duitse motor en die grassnyer en die … ook tydens die egskeiding ge-eis nie. Nou moet jou prokureur met polisie-begeleiding van die items in die nag te gaan haal. Jyself kry lopers en beset stilletjies die strandhuis. Hier is plase wat reeds in die tyd van die Britse goewerneurs onomwonde as die eiendom van die Trekkerboere aangedui is, nadat dit destyds beset is deur swartes wat deur sekere sendeling opgestook is.

Marius Muller ·

Ek wonder net waar was Jesus in Zimbabwe,daar was tog seker onder al die boere n paar Christene?God sal ons in siel bewaar maar ons is in liggaam uitgelewer aan die dood net soos 11 van 12 dissipels wat vermoor is,asook duisende kinders en volwasse Christene deur die Romeine en ander.Daagliks word kinders van God wreed vermoor,waar is die beskerming?Christene kan enigiets ter enige tyd oorkom ,christene is ook in n sondige wêreld .Net jou siel is veilig by God en niks kan dit verander nie,maar jou liggaam en besittings is iets anders,dank die Here dat dit so is anders gaan n hele paar christene erg ontnugter word.Dit maak nie saak hoe n christen hier sterf nie,solank jy jou verset teen onheil en binne God se reëls optree.Mens moet weer dink,christene het geen voordele in die wêreld anders as ongelowiges nie,wat tel is jou verhouding met God en die hiernamaals,dit is die eindbestemming .

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.