Nuuskommentaar: Kry grondgryp nou brieke?

Pres. Cyril Ramaphosa. Foto: GCIS

Volgens nuwe koerantberigte het pres. Cyril Ramaphosa nou brieke begin aandraai aan die euforie waaroor baie nou ronddans.

Sedert die grondgryp-situasie amptelike ANC-standpunt geword het, het werklike vrese ontstaan dat die ware Cyril Ramaphosa nog nie gemanifesteer het nie. Kan sy gematigde stem geglo word, of is sy meer radikale uitlatings iets waaraan ’n mens jou moet steur?

Dit maak nogal saak. As dit begin lyk of die regering feitlik daagliks sy standpunte verander, word mense wat vir beïnvloeding geteiken word ook al hoe doeltreffender deur propaganda verniel.

Die feit is dat die mensdom nog nie alle fasette van propaganda baasgeraak het nie. Feit bly, propaganda is ’n soort wapen. En baie frustrasies kan opbou alvorens die publiek gewoond raad aan moeilikheid.

Die uwe was nog op laerskool toe hy akuut bewus begin raak het van die daaglikse dosis rommelpos uit die Kaap. Maak nie saak wat geadverteer word nie – van ’n vliegtuig tot ’n motorboot tot ’n bed, daar sal ook foto’s van ’n dametjie in skrapse klere op die foto’s wees. Vra die kyker agterna watter produk eintlik geadverteer word, en die kanse was uitstekend dat hy sou weet daar was ’n boot op, maar geen benul het van die soort enjin nie. Deesdae is sulke soort advertensies so skaars soos hoendertande, want dit werk nie.

Dit is bekend dat ten minste sommige presidente van Suid-Afrika gereeld die dienste van ʼn beeldpoetser moes bekom.

Oudpresident Thabo Mbeki was bekend daarvoor dat hy stellings sou maak wat hom ’n plekkie in die “dog box” sou besorg. ’n Week of twee later is die beeld herstel.

Ook voormalige president Zuma het gereeld ’n hupstoot van so ’n agentskap gekry.

Die gemors wat Bell-Pottinger in Suid-Afrika aangevang het, maak die werk veel makliker in die sin dat standaarde net nie punte tel nie. Verskillende kulture veroorsaak ook dat amptelike uitnodigings in nagmerries omskep word.

Tot tyd en wyl die uitsprake met ontsteltenis manifesteer, so lank gaan heethoofde kookwater op sensitiewe sake gooi.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Nuuskommentaar

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
humor

Herman miskien is ek vanoggend so bietjie traag van begrip en verstaan so iets van dit wat jy wil se, maar praat so n bietjie meer op die man af. Ons Afrikaner – boere hou van iets wat sterk en reguit gese word.

Hendrik

Wel CR het nie eintlik die Bell Potinger agentskap nodig om verdeeldheid tussen wit en swart te saai nie. Hy doen dit sommer maklik met behulp van Malema.

CWS

Ag jinne…mense hol weg met elke storie…..!!!!! Ek volle vertroue in CR….en gee him n regverdige kans..!!!!!

Albaster

Die ANC moet besef dat grondgryp nie in SA eers ‘n opsie is nie want ons het nerens om heen te vlug nie, anders as wit Zim boere wat na ander lande kon gaan, en die honger massas wat daarna oor die grens SA toe kon stap. Mense in n hoek vasgekeer is mense wat dit eenvoudig nie sal toelaat nie.

Willie

Ja nee ek sekondeer… paddas van n ander dam?