‘n Rugbyondersteuner sing driftig die Volkslied saam.
Die stof het skaars gaan lê oor die EFF se aandrang om in die konteks van koalisiepolitiek van die oorblywende bewoording van Die Stem in die volkslied ontslae te raak, of die rubriekskrywer Max du Preez kom met ’n uitgebreide pleidooi dat Die Stem in die slag bly.
Nie almal sal met Max saamstem oor die hoe en hoekom ’n gedeeltetjie van Die Stem in die volkslied opgeneem is nie. Die amptelike weergawe, naamlik dat dit uit een van die konstrukte van versoening, voortspruitend as ’n deel van ’n Nasionale Vredesakkoord, geskep is, is meer geldig as ’n geteem oor ’n beweerde versugting om ’n oorblyfseltjie van apartheidsimboliek in die nuwe bedeling vasgeverf te kry.
Dit is so dat baie mense dit soos Max beskou. Aan die ander kant van die munt stel selfs die mees onplesierige ANC-leiers ’n voorbeeld (minstens op TV) soos hulle ook die Afrikaanse en Engelse gedeeltes van Die Stem sing. Trouens, dit verskaf gereeld ’n morele hoë grond as weer geluister word hoe Die Stem-gedeeltes by rugbytoetse “ontplof” wanneer die volkslied gesing word.
Om van Die Stem in die volkslied ontslae te raak, met die hulp wat Max van die DA-leier, Mmusi Maimane, probeer opvorder, is ’n komplekse grondwetlike kwessie. Maimane het juis versigtig uit die EFF se aandrang gemaneuvreer.
Plaas hom nou in die warm stoel, en die DA kan verwag om oor ’n simbool groot verkiesingskade vorentoe op die lyf te loop.
Teenargumente teen Max se argumente kom egter ook onder groot druk as die nasionale versoeningsproses nie op dreef is nie. Dan, inderdaad, krap dit dat die Nkosi-gedeelte en Die Stem op verskillende musieksleutels geskryf is, sodat ’n uitgerekte oorgangsnoot nodig is om van die een na die ander oor te skakel. Die musiektipes is ook van uiteenlopende musiekgenres. Nkosi Sikelel’ iAfrika én Die Stem is albei sedert die aanvaarding van die nuwe volkslied verkort, en aan weerskante word gevoel dat van die belangrikste dele weggelaat is.
Verdamp die versoeningsproses (soos wat die EFF kliphard probeer stook), dan gebeur dit dat “na die loopgrawe teruggeval word” en Steve Hofmeyr ’n volksheld word omdat hy ’n groot skare entoesiasties meevoer deur net Die Stem (en die volledige een) te sing. Die volledige Die Stem is ook ’n FAK-lied en daar behoort, let wel, behoort geen beletseling of sensitiwiteit te wees om die lied te sing nie.
Per slot van sake is daar niks in die bewoording van Die Stem wat aanstoot aan enigeen kan gee nie.
Maar dan moet ’n mens die magtige dreuning (met permissie) aanhoor van die Seunse Weenkoor se kermlied. En ja, daar is ook ’n weerstandige teenreaksie onder ’n deel van die swart bevolking.
Dit is jammer as die heroprigting van die vredesproses (dalk onderweg na ’n nuwe vredesakkoord) weer deur ’n protesproses aan die verskillende kante begelei word. Die protesproses is egter dikwels in die vredesproses noodsaaklik om te voorkom dat die een party as (slegs) wenners, en die ander (slegs) as verloorders aangebied word. ’n Goeie voorbeeld was die MPLA wat, ná die vredesluiting tussen die MPLA en Unita in Angola, dit aan die publiek as ’n volslae oorwinning oor Unita aangebied het. MPLA- militêre konvooie het byvoorbeeld windmakerig as “oorwinnaars” deur Unita-vestings gery. Nie lank nie toe skiet Unita die willedinges uit hulle uit, en moes opnuut oor vrede koppe bymekaar gesit word. In die proses is Unita toe militêr en politiek verslaan.
Word na die ANC-leiers geluister, word gereeld na die ANC se oorwinning verwys asof die ANC apartheid militêr verslaan het. Dis historiese bog – die NP-regering het lank voor 1994 reeds die laaste apartheidswet afgeskaf (waarvan heelwat wesenlik intussen deur die ANC afgestof en terug in die wetboek geplaas is).
Weliswaar met moeite, maak minderheidsgroepe nou vordering om minderheidsregte soos in die Grondwet en die internasionale reg vervat, op te vorder, en die nodigheid daarvoor groei elke dag namate die ANC sy neo-apartheidsbeleid op minderheidsgroepe afdwing. In hierdie rubriek is al dikwels gewys op die probleem dat die regering en sy tentakels ras-onewehandigheid toepas in die aanspreek van kwessies soos rassisme.
Teen dié agtergrond is daardie laaste flentertjie van Die Stem in die volkslied soos ’n tentpen wat in die erfdeel ingeslaan is. Dit simboliseer vir baie die Afrikaanssprekende minderheidsgroepe se wettige aanspraak op ’n holte vir hul voet in hul geboorteland.
Eendag, iewers in die toekoms, is die gepolariseerdheid hopelik iets van die verlede, en kan daaraan gedink word om ’n nuwe volkslied te skryf in die plek van die Nkosi en Die Stem. Dan neem die volledige Die Stem en Nkosi saam volwaardige plekke in naas ander volksliedere van die verlede, soos die volksliedere van die Vrystaat en Transvaal. Liedere wat met vrymoedigheid en trots gesing kan word sonder om aanstoot te gee.
Maar die paadjie na hierdie punt loop, met respek, heelwat anders as wat Max voorsien. Hierdie proses kan alleen slaag as al die saakmakendes as volwaardige versoeningsvennote die proses deurloop sonder om politieke punte aan te teken. Die proses kan nie slaag as daar wenners en verloorders is nie, almal moet wenners wees.
Haal dit maar uit daar is in elk geval niks in die land om op trots te wees nie.
Jacobus, hier is baie om op trots te wees, Max moet maar die verlede aanvaar en ophou omverskoning vir als vra, werklike eenheid is om mekaar se foute te aanvaar en te vergewe. Die feit dat Die EFF die stem wegwens beteken dat hulle nie vergewe het nie. Dit is tyd vir die EFF en Max om aan te beweeg.
Kyk wat skryf ‘n persoon op News24 – Pope Spaghetto.
I would think Max would understand that ‘Die Stem’ is more than just a symbol for Afrikaner nationalism or Apartheid. It represents Afrikaner struggle as well, struggle for our own identity. That after years of war and bloodshed against the English and African tribes, we found our place and identity as not only Afrikaners but South-Africans. It represents an era in our Country’s history that cannot and honestly should not be denied or forgotten. Removing ‘Die Stem’ because of its time as anthem during the Apartheid era would be like if the Germans removed the ‘Deutschlandlied’ completely after the fall of Nazi Germany. Both represents more than just the fact that they were national anthems during unjust regimes. Dis net so deel van ons geskiedenis waarop ons trots kan wees.
Malema word groot en laat elke mense sy begisels behou.Daar is baie meer vir jou om te doen.Vat n graaf en begin skoffel.Dan sal jy te moeg wees om jou met sulke dinge op te hou.
Dit laat mens aan Pieter du Preez se pleidooi vroer hierdie jaar dink waarin hy mense smeek om van Afrikaanse onderrig op universiteitsvlak afstand te doen.
Nee Pietertjie, en nee Mad Max, ons gee vir julle opinies om soveel as wat julle vir ons kultuurgoedere omgee. Mens kan net soveel sefveragting verteer.
Herman, ek moet wel ‘n paar goed oor jou argumente uitwys:
1 die DA het vir blankes geword soos die ANC lank vir swartes was: onaantasbaar. Dit maak nie saak of Maimane en sy party swart bevoordeling steun nie, dit maak nie saak of hulle ‘n swart leier het nie, dit is waar die meerderheid blanke stemme so paar weke heengegaan het. Steun vir die verwydering van ‘n afgewaterde stukkie Stem (soos die rugbyaanbidder daar sing), gaan min of geen invloed op die DA he.
2 Van kultuur gepraat: is die obessie met die mense se gode wie agter ‘n bal aanhardloop, soos in die foto uitgebeeld, al wat oor is van ons kultuur? Miskien is dit tyd dat daardie kultuur vernietig word. Daarna kan die Afrikkaner dalk weer met waardigheid sy plek in hierdie wereld terugneem.
Al rede waarom max nog aandag kry is omdat hy anders is, en daarmee sal hy teen sy beterwete volhou tot sterfdag toe. Verskoon hom tog maar, soos elke mens wil hy tog ook graag iets wees.
Flippen Hel..hoekom immigreer hy dan nie??? DIE STEM IS VIR ONS BELANGRIK WANT ONS HET SAAM GEVEG!!!!!!!
Ja haal maar die stem uit, dit hoort nie tussen ander tale nie. Ons volledige stem is mooier en meer betekenisvol op sy eie!
Ek stem, Die Stem pas nie daar nie, wat in die nuwe SA seker beter sal pas pas is ou zuma se “Bring my Masjiengeweer”.
Dié du Preez kêrel se opinie ‘max no difference’.
Max du Preez hou van sensasie.
Max is ‘n “has-been”.
In ‘n fantasie wereld loop als reg, almal is gelukkig sal Max nog iets vind.
Ons wittes moet aanvaar dat, dit wat was, nooit weer sal wees nie. Dit lyk ook of dit die einde is van ‘n meerderheidsregering. Koaliesie regering is nou die inding, wat eintlik goed is in ‘n land soos SA, wat bestaan uit verskeie volke en kulture. My mening is ook dat dit nou tyd is vir ‘n algehele nuwe volksklied.
Dis reg haal hom uit. Dan kan ons weer met respek die hele een sing
Daar is twee aspekte van Max wat ek graag wil uitlig om n verdere punt te maak. Die een is dat hy homself in die openbaar nie as n kommunis beskou nie. Die tweede is dat hy “seker maar n Afrikaner is”. Beide hierdie stellings kan maklik verkeerd bewys word, deur slegs Max se artikels te lees.
1. Kommuniste glo dat meriete nie bestaan nie, en dat ryk mense slegs ryk kan wees deur arm mense te onderdruk. Om hierdie “wanbalans” reg te stel, moet daar n periode wees waar die proletariat (arm mense) die bourgeoisie (ryk mense), deur middel van demokrasie onderdruk (want daar is meer arm mense as ryk mense). Wanneer ryk mense lank genoeg onderdruk is, sal almal uiteindelik gelyk wees en kan n sosialistiese utopia ontstaan waar almal vir altyd gelyk kan wees (want daar is geen natuurlike verskille wat nuwe ongelykhede kan veroorsaak nie).
2. Afrikanerskap, soos enige ander identiteit, is n idee waarmee jy identifiseer. Hierdie idee het n morele grondslag (protestantse Christenskap) gehad en word uitgebou deur verhale, meestal uit die verlede. Onder hierdie identiteit is daar natuurlik subidentiteite wat ontstaan het bv polities het ons SAPPE vs die NATTE gehad ens. Dit is belangrik om te let daarop dat jou moraliteit die grootste invloed het waarmee jy identifiseer. Dit is hoekom jy met die protagonis in n fliek identifiseer en nie die antagonis nie.
Wanneer ons dan aan die hand van hierdie definisies Max se stories lees, is dit duidelik dat Max wel n kommunis is, en as gevolg daarvan nie n Afrikaner kan wees nie. Hy glo dat ryk mense onderdruk moet word, hy glo dat Afrikanerskap “white supremacy” is en ook onderdruk moet word. Hy glo dat hierdie onderdrukking uiteindelik sal lei tot sy ideale sosialistiese utopia. Die kommuniste het natuurlik hierdie probeer doen deur revolusie, wat orals klaaglik misluk het. Die aanvaarde strategie is om dit nou in fases te doen (die NDR). Die eerste fase is natuurlik om eers te onderdruk op grond van ras omdat jy in SA twee (klas en ras) vir die prys van een kry. Die volgende fases wat sal kom, waarvan baie al reeds begin het. Die prys op die einde is natuurlik geloof. Hoe kan jy n utopie skep as Christene dink hulle is “beter” as Moslems.
Enige werklikheid, wat hierdie ideologie verkeerd bewys, moet uitgewis word. Daarom ondersteun hy kwotas in die werksplek en in sport. Jy forseer net die werklikheid om aan te pas by jou ideologie, as die werklikheid nie wil saam werk nie.
Is Max te dom om hierdie te besef, of lieg hy? Indien hy lieg, hoekom lieg hy en waaroor anders lieg hy?
Johan Antoniszoon (Jan) van Riebeeck is in Culemborg gebore vanuit ‘n katolieke familie. Katolieke moes in daardie tyd in Nederlande in skuilkerke kerkgaan weens vervolging deur protestante en Rewolusionêres. Hy is getroud met ‘n katoliek, Maria de la Quellerie. In die standaard VOC verklaring (gebed) op 6 April 1652 het hy “gereformeerde” vervang met “ware gereformeerde” geloof, ‘n bevestiging van sy katolieke geloof met verwysing na die katolieke reformasie volgens die konsilie van Trent (1645 – 1663). Hy het ook priesters Kaap toe gebring.
‘n Aantal Ou Kaapse families se stamvaders was katoliek, en ‘n betreklike aantal Britse setlaars ook.
Die Voortrekker Bybels het al die kanonieke boeke bevat, soos deur Trent herbevestig maar deur protestante verwerp.
Die Voortrekkers is deur die protestantse mag in die Kaap (NG kerk) ge-ekskommunikeer in hul mees kritieke krisis-uur.
Die 1e president van die ZAR (MW Pretorius) het die eerste 2 skenkings gemaak vir bou van 1e katolieke kerk in Pretoria.
Protestantisme is dus nie implisiet deel van Afrkaner identiteit nie.
Sonder die Broederbond en protestantse Britse Imperialisme sou baie van dié misverstande sekerlik nie bestaan het nie.
Vraag aan “Ek sê maar net” – waar pas die Franse Hugenote nou in hierdie weergawe van die geskiedenis in?
@ ek se maar net
Dit is volgende jaar 500 jaar dat Martin Luther sy leerstellinge teen die kerkdeur vasgespyker het. Jy kan nie glo hoe pla dit vir die duiwel nie. Hy loop rond soos n brullende leeu, om te kyk wie hy kan verslind.
Ek glo, net soos Martin Luther, dat die Katolieke Kerk die antichris is. Hulle gee voor dat hulle Christene is, maar hulle is nie.
Als wat jy se mag waar wees, maar dit is ook irrelevant. Geen van die groot idees van die Katolieke Kerk vorm deel van die algemene moraliteit van Afrikaners nie. Die Katolieke Kerk glo jy kan betaal vir jou sondes, selfs drie maande vooruit. Dit was waaroor AL Luther se leerstellings gegaan het. Hy het in die jare daarna nog ander probleme uitgelig, maar sy aanvanklike probleem was net met die betaal van sonde. Waarvoor het Jesus dan gesterf en opgestaan as die Kerk die mag het om jou sonde te vergewe? Waar is die mag, by Jesus of by die Kerk?
Selfs die grootste vyande van die Afrikaners het nog nooit getwyfel dat die algemene moraliteit protestants gebaseerd was nie. Dit is nie te se dat agente van die KK soos die Jesuits of die vrymesselaars nie aktief was in SA nie. Voor die boereoorlog was die Transvaal en die OVS vrot van die nuwe vrymesselaars, ook onder die Boere.
Die vraag is egter, hoekom probeer jy n valsheid promulveer?
Dit word al meer duidelik: SA is net ‘n geografiese gebied met veelvuldige volke en groepe; en die globale staatkundige monster wat in verskeie weergawes op die volke en groepe hier afgedwing is sedert Brits-imperialisme, is só onvanpas dat daar selfs nie van een staat gepraat kan word nie: daar is veelvuldigheid op elke vlak: vesrskillende regstoepassing vir verskillende groepe selfs op sg konstitusionele vlak, selfs uiters verdelende landslied wat in elk geval net 2 volke verteenwoordig.
Max, daar is makliker maniere om geld te probeer maak uit sensasie. Begin n tabloid en skryf oor celebs en hulle klere en affairs.
stel die belang om hierdie stem en afgodslied saam te sing nie – Soos ek tereg gelees het – dis n afgewaterde verskoning en belediging van DIE STEM – Die Stem bestaan uit vier strofes, n Poetiese lied, n Patriotiese lied, n Toewydingslied en n Gebed tot ons Hemelse Vader – dit mag nie deur die asem van volksvreemdes gesing word nie – sal dit weer een van die dae sing sodra ons weer ons Vryheid het – Vader sal Voorsien en Sorg
Ek weet nie wat is die probleem nie. Ons sing die stem gereeld in ons gemeenskap en het nie rugbywedstryde nodig om dit te sing nie. Ons steur ons eenvoudig net nie wat mense by rugbywedstyde/of ander geleenthede sing nie. Die huidige volkslied pla net mense wat nie heeltemal sekere is hoe en waar hulle op pad is nie.
Max hierdie lied uit die FAK is dalk spesiaal vir jou: vat jou goed en trek Ferreira. Dan kom nog n sin by: swaar dra al aan die 1 kant. Hierdie is eintlik n pleidooi dat Max in die slag bly en nie Die Stem nie. Ek bedoel Max se verwronge menings.
Ek voel hulle moet met die hele nasionale lied wegdoen. Nkosi en Die Stem. Skryf vir ons ‘n nuwe volkslied wat met niks te make gehad het nie. Die mense wat dan die ou liedere wil sing moet dit sonder probleme kan doen.
Ek stem saam met jou Retha. Ons het ‘n nuwe lied nodig wat almal kan sing en wat geen verbintenis aan enige iemand se verlede het nie.
Stem saam Retha. Moet nie net Die Stem gedeelte weglaat nie. Trek n streep deur alles en begin oor. Die huidige saamgeplakte nasionale lied is n internasionale grap.
En ‘n ‘nuwe’ volkslied, Retha, geskryf deur die ANC meerderheidsregeringverteenwoordigers, glo jy, gaan die blanke afrikanerhart wárm laat klop??………
1. Haal maar uit die woorde
2. Verander die straat name van Pretoria
3.Verander Pretoria maar se naam ook
4. Vat Paul Kruger maar weg uit Pta-Cbd
Wat maak dit saak.ons eie ras doen –
1. die wat moet leer is te sleg om te leer
2. die wat na ander kan kyk, kyk neer op ander
Om `n minderheid soos die Afrikaner te forseer om van sy kultuur simbole en dit waaraan hy waarde heg afstand te doen is direkte onderdrukking in `n sogenaamde demokrasie. As groep het ons ons ego in ons sak gedruk en Nkosi Sikileli aanvaar en probeer om dit saam met die ander groeperinge van Suid-Afrika te ondersteun. Kom ons hou net eenvoudig aan om te doen wat internasionaal van `n goeie landsburger verwag word. Ons hou ook aan om dit wat vir ons van waarde is te beskerm teen die aanvalle daarteen soos dit kom. Ons hou ook aan om saam met ons mede Suid Afrikaners te bou aan nuwe burgers van `n nuwe Suid Afrika. Max is besig om drasties fisies en intelektueel te verouder. Ons moet tog nie ons waardigheid afstaan en ons deur sulke eensydigeheid te laat beinvloed nie. Kom ons hou aan om te bou aan Suid Afrika saam met die nuwe geslag burgers. Dit is meestal die ou kader in die ANC en ou aktiviste soos Max wat nie kan insien dat die geskiedenis van Suid-Afrika vinnig besig is om te verander. nie. Aanvaar dit. Julle sienings het uitgeloop.
Kan nie anders as om saam te stem nie.
Goed vir jou Danie. Ongelukkige is daar baie meer aspekte wat ek nie kan saamstel wat tans in S.A. gebeur nie. Alvorens rasgebaseerde wetgewing,wat ons kinders se toekoms benadeel, geskrap word nie kan ek nie deelneem aan die demokratiese bestel nie. Ek het die reg om so te voel en die reg om nie saam met jou die huidge sogenaamde volkslied te sing nie.
Disselboom is nie ‘n burger van ‘n onregmatige deurmekaar en selfverwoestende landsbestel nie. Wel ‘n inwoner wat hom as gelowige moet gedra binne die landswette en dit wat goed en reg is vir die orde van elke dag. Hy voel hom nie verplig om die oorwinnaar se twyfelagtige lied saam te sing nie, en ook nie om die oorwinnaar se vlag waaronder misdaad endemies gedy, te salueer nie. Wie wil saamsing, op die wysie van “Ons het ‘n rowersnes geword”, het die vryheid om dit te doen, maar Disselboom kan saamsing daaraan nie. Hy het ‘n volks-lied, naamlik Die Stem, wat hy graag sing waar die geleentheid hom voordoen, maar die lands-lied van ‘n klomp volke saam, los hy maar liewer eenkant.
Dankie Danie. Ek kon jou insette lees en saamstem met jou wysheid. Jy kan gerus lesings gee oor hoe om ‘n situasie in perspektief te sien. Dankie vir jou intelligente beskrywing van hoe ons behoort op te tree sonder om te oordeel!
Nee wat, Danie – ek het nog nooit, en sal nooit, Nkosi sing nie. Dit is nie my eie volk se lied nie, en dus is dit nie my volkslied nie.
Ek het sopas my media24 subskripsie laat stop omdat hulle ons wil verkleineer deur om vir Max geleentheid te bly gee, al breek hy ons so af.
Dit is net interessant dat hulle bewus is van sy Anti-Afrikaans sentiment, maar hom ‘n platvorm bly gee.
Mooi so Adam! Aitsa!! Maroela BO!!!!!
Los die polities korrekte beduiwelde nuusagentskappe! Dis hulle wat al die KWAAD stook!
Motiveer die regering om “apartheid” in totaal om te draai en teen die blankes in werking te stel soos die vorige regering dit teen die swart bevolking voor 1994 gedoen het. Gee vir die blankes die TBVC lande (Transkei, Bophutastwana, Venda en Ciskei) outonoom. Befonds dit met dieselfde hoeveelheid geld wat die apartheidsregering daar in belê het. Elke blanke wat dan in SA wil werk, kan ‘n werkspermit en ‘n dom-pas kry, en tydelike verblyf maar geen eiendom besit nie. EN…..hulle moet al die inwoners van die TBVC state ONTHEF van enige vorm van belasting soos wat die vorige inwoners van hierdie state vrygeskeld was. Jy betaal slegs PAYE as jy in SA werk. Binne vyf jaar sal daardie TBVC lande ekonomies suksesvol wees met eie skole, universiteite, polisiemag, weermag, gesondheidsdienste, infrastruktuur en eie kultuur….en dan sal ons DIE STEM daar sing. Elke dag…
Wonderlik! Ja, mens kan innovering en strategie NOOIT onderkry nie. Daar was ‘n doringboompie …
AMEN…!!!!:-
Dit sal baie goed wees. Dit kan ons nog red. Daarby sal die wereld besef dat ons voorouers hulle gladnie te sleg behandel het nie.
Solank die Pretoria monument staan sal die lied gesing word.
Manne en Dames, lees mooi wat Herman se, die goed wat hy pertinent noem wat ons “merk” is en wat ons ten alle koste moet behou. Al is daar net ‘n stukkie van die stem oor kan ons dit nie afstaan, net om soos Max, polities korrek te probeer wees nie !Ons kan nie net die heeltyd toegee en so ons tent penne afstaan nie. Ons moet vasbyt en veg vir wat reg is en ons plekkie in die son! Die Afrikaner is soos die hoe bome wat die wind vang en ons is mos bang vir niks nie en veral nie vir Max nie. Hy wat Max is roep die dood van lankal af oor die Afrikaner maar hou hom dop!” Hy erf dalk die dood op sy eie stoep!”
Ek hoop hy erf dit gou.
Magtig maar hier darem so baie mense wat altyd kan krap waar dit nie jeuk nie. Daar is baie meer dringender en ernstiger sake wat aandag moet geniet dan hou julle, julle besig met snert!!
Max du Preez is ‘n manteldraaier en uitgebak – finish en klaar!
wat n klugspul en sirkus het ons land nie geword nie
Wat van ‘n lied met net 11 sinne.
Een in elke amptelike taal – opbouend, vars, LEKKER om te sing, geen treurmares nie – hoopvol en vertrouend – met ‘n glimlag op elkeen se gesig wat saamstem.
Dan sal daar minder monde wees wat duidelik op TV vertoon dat hul glad nie die woorde ken nie – want dit gaan regtig makliker geleer kan word?
Mense julle verstaan nie. Max moet ook geld maak en al manier is om sulke snert kwyt te raak. Hy is soos n tiener wat “snaakse” dinge doen net om aandag te trek.
Rubrieke met insig en kennis kan Max nie skryf nie , so hy probeer mense kwaad maak wat dan repliek lewer en die koerant dink dis uit belangstelling.
Kry eerder die man jammer.
Haal maar lied uit,Langenhoven het dit nie vir nuwe suid afrika geskryf nie
Ja wat haal uit- een van die dae sit ons in elk geval met ‘n ‘all black’ rugbyspan en dan sal Die Stem van geen waarde meer wees nie.
Max het n fete teen afrikaners, hy is teen afrikaanse skole, afrikaans op universiteit, afrikaner simbole, teen enige afrikaner wat vir sy regte opstaan. Hy is teen enige organisasie wat vir afrikaners opstaan. Hy is teen afrikaner waardes en geskiedenis. Hy het nog nooit opgestaan vir afrikaners nie en as dit so gelyk het of hy doen was dit net om jou eintlik te oortuig dat jy die ander se punt moet insien. Hy verkoop sy eie mense met n liberale agenda, elke keer as mens een van sy artikels lees kan jy nie dit mis dat hy erenste se hoe sleg die afrikaners is of was nie.
More almal. Ou Max laat my so aan die Sahara woestyn dink. “A long stretch of nothing.”
Ek kan net se; Vader vergeef hom hy weet nie wat hy doen nie.
Die grootste probleem is nie wat Max du Preez of Malema oor ‘n vernederende stukkie van Die Stem te sê het nie, maar wat doen ons as volk (Afrikanervolk): kan ons nog regtig eerlik sing “ons sal lewe, ons sal sterwe” en kan ons nog eerlik as volk saamsing, “God regeer”? Ons het as volk ons dapperheid versaak, en ons geloof versaak en ‘n groot deel die rug gekeer op ons protestantse belydenis en dus ons rede vir die bestaan van ‘n teenstrydigheid as westerse volk met ‘n eie taal in Suid-Afrika. Is die inhoud van Die Stem ons erns om na terug te keer, of dit maar net nog een van die “regte” wat ons menslikerwys wil afdwing om onsself te laat geld?
Werklik????
Die hele land het verander.
Ons vlag is jare gelede verander.
Om ALMAL gelukkig te hou en S.A. se “so called Unity” te bewys – skryf ‘n Nuwe Volkslied waarmee ALMAL Dan tevrede sal wees….
Waarom stry en baklei oor iets so stupid?????
Die Stem se woorde is geskryf deur CJ Langenhoven, wat ‘n Vrymesselaar was. Dis ‘n organisasie met ‘n okkultiese anti-Christelike basis. Maar ‘n sleg appel in die mandjie van ons Afrikaners se so stoere Christelike en Calvinistiese voorouers.
‘n Beduidende deel van ons Afrikaners se voorouers was nie Calviniste nie.
Jaco, het jy bewyse vir die woorde van jou: “okkiltiese anti-Christelike basis.” Ek het al heelwat inligting oor die Vrymesselaars of “Free masons” bekom en ek kan nie hierdie inligting van jou staaf nie. Het jy meer inligting asb?
Ek hou meer van hierdie een:
“Heft burgers, ‘t lied der vrijheid aan,
En zingt ons eigen volksbestaan,
Van vreemden banden vrij…’
Of misken moet ons hiedie een terugbring (in Afrikaans):
‘Ken jy die volk vol heldemoed
en tog so lank verkneg
Hy het geoffer goed en bloed
Vir vryheid en vir reg…’
Gaap, gaap…. Max jy verveel ons.
Ek is so Afrikaans soos wat kan kom. En het met die Stem en Vlaglied grootgeword op skool, veral op Republiekdae, 31 Mei, het ons al die Afrikaanse liedere met trots gesing. Ek onthou dit en sing dit nog partykeer, nou vir my kinders. Hulle luister en vra vrae.
Tog voel ek dis tyd om NOU ‘n nuwe en neutrale lied te skryf waarmee almal hulle kan vereenselwig. Elke bevolkingsgroep in ons land het sy eie “struggle” gehad en nie een groep het alleenreg daarop nie.
Die Stem en Nkosi is opgeneem in bundels, aldus ‘n vorige kommentaar hierbo, gaan dit nie verlore nie.
Maar daar kom so waar as wraggies ‘n tyd om aan te beweeg! skryf ‘n lid waarmee almal hulle kan vereenselwig en herken mense se stryd na vryheid en geregtigheid daarin.
Wie weet, miskien is die Nuwe volkslied, die musiek wat ons land se mense weer gaan begin heelmaak!
Nee wat die wit mense is so gemaginaliseer deur wette dat die meerderheid hou die witmense net aan om die huidige bestel ‘n demokrasie te noem. Die ergste is dat die witmense nog steeds aktief deelneem aan die demokrasie.
Rens Roodt veral, en ander soos Loeis, wek nogal rasionele denke. Rens praat van `n `afgodslied`, en die voorskrif dat die Christen nie in dieselfde juk as die on/wangelowige moet trek nie, wek elke keer as die Volkslied gesing word, kommer. Sing die wat Christene is elke keer saam met die andersgelowiges tot die `amadlosi` of voorvadergeeste, en tart ons nie dalk so die Allerehoogste gesag uit nie? Ek wonder of Max en Piet Kraucamp nie hier `n subtiele pakt vorm, (onbewus dalk), maar om ander redes as ander polemiste alhier, met wie mens nogal wil saamstem dat die stukkie Stem liefs verwyder moet word uit die juk van s.g. Volkslied, en diegene wat die Stem in geheel in hulle harte en koppe bewaar, dit by geleenthede saam sing, of Steve Hofmeyr vra om so `n samesang te lei, sonder die stuk afgodslied soos Rens sê, vooraan.
Max, hoekom diskrimineer jy teen die ander amptelike tale ? Sing die volkslied asb in alle tale, dan sal niemand n onreg aangedoen word nie.
Hierdie mense laat my aan moedswillige stout kinders dink.
Max kry heeltemal te veel lugtyd. Maar dis nou maar nuus 24 , hulle steek al lankal die Afrikaanse mense in die rug.
Soos alles tydens die onderhandelinge is die volkslied en vlag ‘n kompromie.’n Kompromie is maar ‘n handeling waarin jy iets opoffer wat vir jou dierbaar was en jy soms van jou beginsels prys gee.
Daar moet dus toegewings van beide kante wees vir ‘n kompromie om te werk.Dit sal maar altyd ‘n debatspunt bly of die onderhandellaars te veel toegegee het en te min wedekerend ontvang het, noudat Afrikaans as onderrigtaal alhoemeer verdwyn by veral voorheen Afrikaanssprekende universiteite en dorpe en stede onder ‘n naamsveranderingplaag teen enorme koste vir die belastingbetaler deurloop.
Frans onderhandeling het 22 jaar gelede plaasgevind en baie het gebeur die afgelope 22 jaar. Die pad wat ons tans volg, as jy nou die grafieke volg, is beslis nie opwaarts nie. Die vraag is hoe gaan ons vorentoe en wat maak ons as die hele politieke bestem links van die sentrum skuif en nog meer na links skuif soos die politieke partye na die meerderheid swartstemme vry? Wat moet ons doen net inval, onttrek, vaskop, nuwe onderhandeling?
In opvolging van my vorige kommentaar. Dit is onrusbarend dat daar van swart kant alhoemeer veranderings aan die onderhandelingskompromie ,ongeag van wat die grondwet sê oor gelyke regte en dat ‘n al groter aantal Blankes begin swig onder die druk, terwille soos hul graag sê van oorlewing.
Maar ‘n mens oorleef nie deur altyd toe te gee, onbeperkte toegewings lei tot ‘n volk se ondergang.Die tyd terwyl daar nog tyd is om te sê ‘genoeg is genoeg’ en daadwerklik
organisasies wat Afrikanerbelange bevorder met woord en daad, ter wille van oorlewing te ondersteun.
Haal “Die stem” uit, het daar SAL oorlog wees!! lank genoeg het ons Afrikaaners stil gebly! Lank genoeg word ons geboelie oor appartheid! Niks sal appartheid kan reg maak nie, Appartheid was meer as 20 jaar terug. Hoekom kan ons as n land nie almal saam staan nie? Hoekom kan wit en swart nie in vrede lewe nie?
Daar is baie meer diepgaande aangeleenthede hier ter sprake as bloot net ‘n lied. Dis selfs ver verwyder van godsdiens en politieke oortuiging. Die kern van hierdie aanval van Max, is Afrikaner legitimiteit, maw as ALLES wat die Arikaner/Boerenasie deel van was, ongewens en afstootlik gemaak kan word, verloor die huidige en toekomstige jong Afrikaners legtimiteit in hierdie land. Dis ‘n nuwe weergawe van hoe geskiedenis gevorm word en dit is nie tot die gewone mense van hierdie land se voordeel op die langduur nie….
Alles verander…straat name ens.Die volgende wat hulle gaan verander is die Voel name.”Piet my vrou gaan nou bekend staan as “Sipho my squeeza”.
Word wakker. Die grootste rede vir die bedreiging van ons kultuur is die teenkanting teen verandering. Die enigste wyse waarop ons Afrikaans-sprekendes oor eeue heen oorleef het is deur aanpasbaarheid. Feit: die enigste Feit in die lewe is dat Verandering ń gegewe is.
Ons grootste bedreiging tot oorlewing is die huidige sogenaamde Afrikaner se gatvaste leuenstoel-politiek.
Vandag herdenk ons die eerste 25 jaar van die Internet, maar die meeste veg nog die Anglo-Boere oorlog, wat amper 120 jaar verby is.
Ons enigste hoop tot oorlewing is deur die aanvaarding dat die son oor jou, my en elke landsburger mag skyn met dieselfde strale van seën.
Skryf ń nuwe lied wat inklusief vir almal is .
Ek stem saam dat ons grootste bedreiging tot oorlewing is die Afrikaner se gatvaste leunstoelpolitiek. Deur net elke 5 jaar die kruisie te gaan trek en meen jy het nou jou deel gedoen is die probleem. Om jou moue op te rol en aktief protes aan te teken teen AA, BEE, kwotas, ens. en ook weier dat eiegoed soos die stem verwyder word.
Weet jy, Estelle, wat “aanpas” beteken? Dit behels om self korrup te moet word, en om tevrede te wees met uiters swak hospitale, regstelsel, misdaad te aanvaar ens. Eks jamme, Estelle, maar ek het beginsels.
Al wie nie aanpas nie is hulle wat steeds bly glo kommunisme kan werk. Wie nie aanpas nie is die wat nie die waarde van openbare opvoedkundige instellings in n moderne wereld verstaan nie en toelaat dat dit afgebrand word. Die wie nie verstaan dat minderhede ook regte het nie. Die wat ander doodmaak vir muti wat nie eers werk nie. Die wat steeds vir selfde regerende party Bly stem al is dit duidelik dat die party faal. Dit is wie eintlik moet aanpas.
Maak met die voldlied en die vlag net wat julle wil,,,,,,, maar sorteer eers die gemors in die land uit! Ek sal nie omgee as die stem verwyder word nie, maar ek sal wel gal braak as dit gebeur ten koste van my kinders wat nie kan studeer nie of nie werk kan kry nie omdat hulle wit is!
Ek stem
Oulik man Brittz, oulik!
Ek laaik dit!
Volkslied nogal?
Watter volk praat julle van? Dalk die Zoeloe,Xhosa,Tswana,Phedi,Boere ens? Dalk die “reenboog” droom volk wat nog nooit bestaan het nie?
As jy uit tientalle volke bestaan is dit dus onmoontlik om ‘n volkslied te he.
Ek wil ‘n voorstel maak. Ons “volgende stam-lied” is alreeds geskryf en getoonset (en dis in die voorkeur taal van die meerderheid, nl Engels) deur Phil Collins, en die titel daarvan? “LAND OF CONFUSION”!!
Dis goed dat ons almal vir die stem opstaan. Dit moet deel van die volkslied bly. Daar is vele ander terreine waarin die huidige regime ons Afrikaners probeer smoor. Een daarvan is die huidige betekenislose negatiewe tema van die Afrikaner geskiedenis wat hulle vir die kinders op skool leer. Ek versoek Afriforum of die FAK om `n verkorte weergawe van die werklike geskiedenis van die Afrikaner volk saam te stel sodat ons ons kinders hiervan kan bewusmaak en `n nuwe trots onder hulle kweek. Die stem kan deel hiervan wees. Ons het die reg om dit te doen en sodoende selfrespek te kweek onder ons nageslag.
Kan julle die saamgeflandse lied wat by sportbyeenkomste gesing word, werklik ‘n “Volkslied” noem?
Is ‘n splinternuwe (eenheids) volkslied, waar alle rolspelers geakkommodeer word – verkieslik weg van die politiek en proporsionele verteenwoordiging – basies in Engels, maar met amptelike vertalings in Afrikaans en in een of twee Afrikatale waarin dit ook amptelik gesing kan word in die taal van jou keuse – indien prakties uitvoerbaar wat die lirieke en musiek betref, nie die antwoord nie? Vra maar net.
Dit gaan nou regtig interesant wees of die mense dit sal wil leer en sing. Ek persoonlik leer niks van ‘n lied as ‘n regering teen my diskrimenerende ras wetgewing soos AA, kwotas, BEE ens instel.
Daar is nou twee groepe Afrikaners met hul onderskeie onderafdelings: die Afrikaners en die Afrokaners. Elkeen moet maar kies waar hy geluk vind en geborge voel. Die Afrokaners hou van gimnastiek en veral bollemakiesie-aksies. Pas in en pas aan… ten alle koste, is die tema van die volkslied van hierdie groep gimnaste. Hulle is baie fiks en sing graag in kore. Die mees gehate woorde vir die’ groep is eie kulture waardes en hulle smag na die nuwe wereldorde waar die hele wereld saam een volkslied sal sing.
Ek dink dat indien Die Stem uit die nasionale “volkslied” gehaal word gaan daar werklik min mense hierdie lied sing tydens byeenkomste. Die mense sing die volkslied omdat Die Stem nog daarin is. Selfs Engelssprekende mense ken nie die engelse gedeelte. DIT is hoekoms die organiseerders ‘n voorsanger huur om die ander gedeeltes wat nie gesing word te vul. Dit is soos die verkiesing: Die witmense stem nog omdat daar vir hulle vanuit alle media gesê dat SA ‘n demokrasie het en as jy nie stem nie dan kan jy nie kla nie.
Sing eerder die volle weergawe van Die Stem saam Steve!!!