Nuuskommentaar: Tegnologiese revolusie: Werklikheid soms vreemder as fiksie

Die Internasionale Ruimtestasie (IRS) soos gesien vanaf die ruimtetuig Atlantis. (Foto: NASA via ANA)

Die politici en ekonome besin reeds etlike jare lank oor die aanpassings wat aan opleiding vir nuwe werksgeleenthede gemaak moet word wat uit die tegnologiese revolusie spruit en nog gaan spruit. Soms, om sinvol genoeg die toekoms te kan verstaan, moet ook in die verlede teruggekyk word, want so lui die spreekwoord (en verewig uit een van die waarnemings van die skrywer, wyle PH Nortjé, se boeke): “daar is niks nuuts onder die son nie”.

Herman Toerien, die skrywer van “Ruimtenuus” vir RSG se program Sterre en Planete, maar ook ’n amateur-argeoloog en opgelei in Bybelse argeologie, tuur via die verlede en die hede, byvoorbeeld deur sy nuuskommentare, in die toekoms in om ʼn bietjie sin te probeer maak uit die toekoms wat vir ons kinders voorlê, en nou reeds aanpassings vereis.

Die nuus in die Los Angeles Times oor die ontdekking van ’n planeet “net” 31 ligjaar van die aarde af in ’n sone om sy eie son waar water in ’n vloeibare vorm kan voorkom, volg kort na die eerste bemande besoek aan die maan vyftig jaar gelede.

Dit wat die mensdom nou daagliks ervaar wat deur meer en meer nuwe inligting wat teen ’n verstommende spoed aan die mens bekend word, laat die kop duisel. Baie mense kan nie meer “hul koppe om die vordering gebuig kry nie”, en lewer dan ook heelwat ontkenners op. Met die herdenking van die eerste bemande maanlanding het ’n hele paar plat aarde-aanhangers van hulle laat hoor.

Terwyl wetenskaplikes verstom gelaat word oor die vreemde nuwe wêrelde “daar buite” waarvan hulle danksy tegnologie soos die Tess-tegnologie (NASA’s Transiting Exoplanet Survey Satellite) geleidelik al meer bewus word, en al meer teoreties bewoonbare wêrelde ontdek, is ander wetenskaplikes, veral gedragswetenskaplikes, net so verwonderd oor die vreemdhede en onverstaanbaarhede wat elke sekonde hier om ons afspeel. Individue wat kort-kort iewers tot massamoord oorgaan, tot mense wat verbete bly klou aan ideologieë wat al dekades lank, indien nie eeue nie, nog nooit kon werk nie, wat aangehang word en waarvoor selfs oorlog gemaak word.

Hierdie soort verskynsel het tot uitdrukkings, soos “niks nuuts onder die son nie” en “die werklikheid is (soms) vreemder as fiksie” gelei.

Soos die destydse inkwisisie soms die verskriklikste martelingmetodes gebruik het om nuwe kennis te smoor, en selfs mense brandstapel toe gestuur het omdat hulle destyds geweet het wat ander nie wou glo nie, en vandag as die waarheid aanvaar word, is daar vandag steeds ’n onverdraagsame inkwisisie. Ander martelmetodes word wel ingespan, maar die karaktermoord deur die milde aanwending van vitrioel is nie altyd minder wreed nie.

Daar is ander manifestasies van alternatiewe denke wat aanhangers trek, soos die kultus bekend as Spoegwolf.

Terwyl meer en meer gevorderde tegnologie ingespan word om verder en verder in die toekoms in te probeer tuur, word ewe gevorderde tegnologie ingespan om die verlede al duideliker te kan “sien” en duideliker te belig. Soms is die mens se kennis nog nie daar nie, en soos om te probeer verstaan wat wetenskaplikes nou eintlik beet het aan twee stukkies been uit China van 110 000 jaar oud, met groewe daarop gekerf, en eens met oker gekleur. Veelbetekend beskryf die Vlaamse koerant De Standaard die betekenis van die vonds as: “volslagen onbekend”.

Terwyl ons nog kopkrap oor wat ons nog uit die ruimte kan verwag wat nou (nog) aan ons “volslagen onbekend” is, kan ons die argeologie bestudeer om ’n idee te kry van hoe gemeenskappe wat duisende jare van mekaar geïsoleer was totaal uiteenlopend kon ontwikkel. Soms was gemeenskappe so lank van mekaar geïsoleerd dat weerstandigheid teen mekaar se siektes verval het. Die verlies aan kontak oor duisende jare het gemeenskappe so kwesbaar vir mekaar se siektes gemaak dat letterlik miljoene mense gesterf het. Tog, te midde van die kulturele verskille, was daar ook soveel ooreenkomste in byvoorbeeld boustyle tussen die Inkas en die Tibettane dat dit moeilik is om te aanvaar dat daar nie voorheen kontak was nie. In nuwe navorsing is opnuut aanduidings gevind dat inwoners van Ecuador in Suid-Amerika mense in Oos-Asië sedert die skeiding van ongeveer 20 000 jaar gelede weer tussen 4640 – 4460 voor Christus kontak moes gehad het.

Ook die voorkoms van piramides en grondpiramides uit verskeie periodes, en op verskillende plekke op die aardbol, laat baie mense glo daar moes eens kontak gewees het. Ironies glo sommige mense wat die onderlinge kontak hier deur wesens uit die buitenste ruim moontlik gemaak is.

Op die oomblik word weer lekker kop gekrap oor die herkoms van dagga-stuifmeel in ’n groot, vermoedelik vullishoop op die eiland New Foundland naby ’n gewese Vikingnedersetting van sowat ’n duisend jaar gelede. Die daggastuifmeel se laag is egter sowat 200 jaar jonger as die tyd toe die Vikings volgens huidige kennis hul kolonie op die Noord-Amerikaanse vasteland Vinland (Wynland) ontruim het. Omtrent al wat nou nie hieroor “volslagen onbekend” is nie, is dat die geskiedenis oor die Vikingkolonies nog baie gate bevat.

Die spertyd wat die destydse pres. John F Kennedy gestel het vir die VSA om ’n bemande besoek aan die maan te bring, het enorme eise gestel. Die VSA het sy Nasa-begroting van ongeveer ’n half persent van die nasionale begroting tot sowat vier persent gelig, en deur samespanning is die rekenaarwese met sowat twintig jaar vervroeg. ’n Hedendaagse iPhone is ongeveer 130 000 keer kragtiger as Apollo 10 se rekenaar, en die rekenaar wat vir die SKA gebou word, ongeveer ’n biljoen keer (of ’n Amerikaanse triljoen keer) kragtiger.

Tog was die maanlandings so “primitief” dat verskeie kenners die suksesvolle uitvoering daarvan as wonderwerke beskryf het. Intussen het die tegnologie so gevorder dat die nuwe beoogde maanlandings as nie net veel meer gevorderd beskou word nie, maar baie veiliger.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

14 Kommentare

Gerrit ·

NASA se Polar Orbital Environmental Satellite projek is ook baie interesssnt. Google dit gerus om meer te leer.

Pietman ·

Die oorsprong van “Daar is niks nuuts onder die son nie” kan wel toegeskryf word aan Prediker 1:9.

Gerrit ·

Ekskuus. Polar Operational Environmental Satellite projek.

Rudi ·

Die skrywer moer eers seker maak voordat hy aanhalings maak, daar is niks nuuts onder die son nie kom uit die bybel en is nie verewing deur een of ander skrywer nie,
Prediker 1:9 . Wat gewees het, dit sal daar weer wees; en wat gebeur het, dit sal weer gebeur, en daar is glad niks nuuts onder die son nie.

Frans ·

Mense, glo die Bybel. Hierdie aarde is nie ouer as sesduisend jaar nie. In ses dae geskape deur God en die sewende dag is ń rusdag om die regte God te aanbid wat hemel en aarde geskape het.

Cherokee ·

Ek glo die Bybel woord vir woord. En ek is ‘n absolute realis. Ek wag vir jou om aan ons te verduidelik wanneer, tydens die afgelope sesduisend jaar, die afgelope gebeur het :
the oldest known fossils of hard-bodied animals were from two reef-dwelling organisms that lived around 550 million years ago. Researchers have identified controversial fossils of soft-bodied animals that date to the latter part of the Ediacaran period between 577 and 542 million years ago.
Ontwaak asseblief, en dan dank jy die Koning van die konings, die Heer bo àlle here, dat hy jou wakker gemaak het.

Cherokee ·

In kort gesê, en ek het nog nooit soos in nooit 7de Laan gekyk nie, maar jý lewe in die klein hoekie van Oppiekoffie. Open jou oge en ontwaak en dank dàn die Skepper dat Hy jou wakker gemaak het.

Barry ·

Die bybel is deur n klomp ou mans geskryf wat kwalik lettervaardig was
Tweedens die bybel is al soveel keer vertaal,net in afrikaans al drie vertalings van die dertiger jare, dat dit net n storieboek geword het. Elke keer om by die betrokke mens se behoeftes aan te pas
Die aarde is ongeveer 4.5 biljoen jaar oud met verskeie tydperke.Waar was die paradys,verseker nie op die aarde nie.
Meeste van die mense wie in 6000 jaar oue aarde glo is erens besig om hulself te bluf en ek glo veel meer aan die wetenskaplike navorsing as n boek wat geen gevestigde bewyse het van wat gebeur het.
Ek is al meer as 50 jaar verlos van die bybel en probeer net n goeie lewe lei
Moet aub nie sensor nie. hou van die reaksie s op die waarheid
Realis
Thailand

M ·

Niemand weet regtig wat waar is nie. As selfone vandag soveel sterker is as die Apollo rekenaars, dan was die maanlanding ‘n klug. As fossiele soveel miljoene jare oud is, dan is die 6000 jaar sedert die Skeppingsverhaal ook ‘n klug.

Al wat waar is, is dat die mens verstommende intellektuele moontlikhede besit, dat daar ‘n Godheid groter as alle bekende lewe is, vandaar sterftes, en dat die Godheid Almagtig is, anders sou die hele sisteem lankal inmekaar gestort het.

Verder is die realm van geestelikheid net so dinamies soos die ontdekking van wetenskaplike kennis.

Frans ·

Cherokee, as jy in die Bybel glo verklaar dan vir my Openbaring 21 waar die Here die nuwe aarde en hemel herskep. Gaan die wat gered is, ook miljoene jare wag vir die nuwe aarde. Of jy glo die Bybel dat God die hemel en aarde geskape het of jy glo in evolusie die satan se misleiding. ń Kind van die Here behoort hierdie aspek te kan uitredeneer, sonder om sarkasties te raak.

John ·

Ons is darem slim, Herman inkluis. wat hoop dat ander nie sekere berigte of radiopogramme bygekom nie. Lees op die BBC-tuisblad waar trek godediens reeds…
Vir elke ongelowige is daar ‘n megaspektrum van idees om te aanbid vanaf IT-gode (wat afkeuriges kan traf) tot Aardverwarming (met kerke vir liggelowiges wat blom in elke teken van aardse verval) tot Mammonisme wat die beursie in die sakkie voor die hartsakkie streel. Ons het beslis die paradigma ingeplons waarna die Bybel verwys as liefhebbery van ‘EK’ ~#MeMeJustMe. 1984 is nou. Lees gou, voor Herman kan, oor die wèreldwye rotteplaag…

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.