Nuuskommentaar: Verpolitiseerde sport laaste spyker in doodskis van Suid-Afrikanisme

(Foto: Wikimedia Commons)

Een uit drie Suid-Afrikaanse burgers sien moedertaal (kultuur) as die primêre identiteit – dit is die identiteit waarmee hulle die meeste tuis voel. Ras is tweede, ekonomiese klas derde en Suid-Afrikanerskap vierde met een uit elke tien mense wat dit as primêre identiteit beskou. Selfs wanneer ʼn mens na sekondêre identiteit kyk, is Suid-Afrikanerskap sesde op die lys – ná ras, moedertaal (kultuur), klas, geloof en politieke party.

Indien slegs een uit tien mense hulself primêr as Suid-Afrikaners beskou, waarom word die reënboogprojek steeds vandag verkondig? Die antwoord lê in die volgende: Ondanks bogenoemde werklikhede meen byna agt uit tien van mense dat ons onsself eerstens as Suid-Afrikaners – eerder as lid van ʼn ander groep – behóórt te sien.

Teoreties is mense dus oortuig dat ons onder ʼn Suid-Afrikaanse monokultuur moet verenig. (Of hulle is oortuig dat dit die regte ding is om te glo.) In die praktyk organiseer mense hulself egter steeds op grond van kultuur (moedertaal).

Ten einde hierdie teenstrydigheid te verstaan, is dit belangrik om kultuur self te verstaan. Flip Buys, voorsitter van die Solidariteit Beweging, is bekend vir sy stelling:

“Kultuur is nie net braaivleis en rugby en lekker musiek nie.”

Hiermee verwys Buys natuurlik na die dikwelse vervlakking van die Afrikanerkultuur tot blote sport en ontspanning. Soos wat hierdie maatstaf gebruik word om die diepte van een kultuur uit te wys, kan dit ook gebruik word om die vlakheid van ʼn ander te bewys.

Suid-Afrikanisme is iets wat amper almal teoreties steun en amper almal in die praktyk ontwyk. Indien jy regtig eerlik na die post-’94-samelewing en geskiedenis kyk, sal jy bevind dat Suid-Afrikanisme eintlik net braaivleis, sport en lekker sêgoed is. Is dié diskrepansie dan dalk toe te skryf aan die feit dat Suid-Afrikanisme eintlik ʼn mitiese kultuur is? Byna geen mens leef in die werklikheid daarvolgens nie, juis vanweë die oppervlakkigheid daarvan.

Sport is seker die een ding wat ons nog altyd in amper enige omstandighede kon verenig. Dit is nog altyd gebruik as getuienis van ʼn Suid-Afrikaanse kultuur.

Argieffoto.

Hierdie baken van vereniging is aanvanklik in die 1995-Wêreldbeker-rugbytoernooi gebruik. Nelson Mandela in ʼn nommersestrui was op daardie geskiedkundige dag die eerste simbool van Suid-Afrikaanse kultuureenheid.

Hierdie sentiment is in die 2019-Wêreldbeker-rugbytoernooi herhaal met die Springbokke wat opgehemel is tot simbool en hoop vir nasionale eenheid. Dié samesyn rondom sport het herinner aan die meer onlangse 2010-Wêreldbeker-sokkertoernooi waarin dieselfde desperate sentiment vir versoening gedeel is.

Buiten ʼn groeiende gedeelde veragting vir die ANC, blyk sport een van die min goed te wees wat Suid-Afrikaanse burgers verenig. Dié “kultuur” is daarom die afgelope maand veral in gedrang gebring deur die kras verpolitisering van sport.

Vroeg in Julie was Lungi Ngidi heel eerste om die Black Lives Matter-beweging openlik te ondersteun. Hierna het meer as 30 ander oudspelers en afrigters gevolg en uiteindelik ook Krieket Suid-Afrika (KSA) self. KSA het selfs verder gegaan deur ʼn nuwe transformasieprojek van stapel te stuur: krieket vir sosiale geregtigheid en nasiebou.

(Foto: @OfficialCSA/Twitter)

Hierna het die aktivisme na rugby oorgespoel met meer as 50 oudspelers en afrigters wat ʼn soortgelyke brief uitgereik het. Die eerste werklike groot opslae het egter gekom nadat spelers en beamptes die knie gebuig het voor die eerste wedstryd in die 3TeamCricket-inisiatief.

Hierdie gebeurtenis is met ongebreidelde openbare woede ontvang.

Jacques Faul, KSA se waarnemende uitvoerende hoof, het in gister se Rapport met skok vertel hoe hy en sy familie op sosiale media hieroor verguis word – hy is selfs ʼn Marxis genoem.

Die vraag is dan waarom mense met soveel woede reageer. Is dit enigsins geregverdig?

In elke daad, brief, verklaring en uitspraak oor die afgelope maand het sportlui uitdruklik die BLM-beweging gesteun. Geen van dié sportlui het gepoog om die stelling “Black Lives Matter” te ondersteun terwyl hulle van die beweging afstand doen nie. Hoewel sommige mense verduidelik het wat die beweging vir hulle persoonlik verteenwoordig, het hulle nietemin hulself agter die beweging self geskaar.

(Foto: AP Photo/Alex Brandon, File)

Enigiemand wat die BLM-beweging in woord of daad steun, moet regtig mooi verstaan waarmee hulle hulself vereenselwig. BLM is ʼn selferkende Marxistiese, anti-wit en anti-Westerse beweging wat ʼn probleem aanraak wat nie werklik bestaan nie. BLM is ʼn uiters polariserende politieke beweging en nié ʼn prysenswaardige menseregtebeweging nie. Dit is roekeloos naïef om hierdie werklikheid te wil ignoreer.

Dít is die saak waarvoor sportlui bereid was om op hulle eie platform in aktiviste te verander. Talle van dié sportlui het te midde van die konflik genoem dat ander kwessies soos plaasmoorde vanselfsprekend ook ernstige aandag moet geniet. Tog is BLM die saak wat hulle tot op hulle knieë gedwing het.

Met hierdie kwessie wat by nasionale sport ingesleep is, is die vraag dan of dit steeds die tuiste van sogenaamde Suid-Afrikanisme gaan bly. Hoewel sport nog altyd deur rassekwotas verpolitiseer is, was dit nog nooit so kras en opspraakwekkend soos hierdie nie.

Het sportlui sekere perke oorskry of gaan ons teen die volgende Wêreldbeker reeds weer hiervan vergeet? Gaan mense onthou dat hulle sportsterre onder die druk van ʼn rassistiese en militante Marxistiese beweging geswig en die knie gebuig het? Gaan mense onthou dat dieselfde sportsterre nogtans staande gebly het oor plaasmoorde, bendegeweld en geweld teen vroue en kinders?

Gaan hierdie kontroversie sodoende dalk die finale doodskoot vir Suid-Afrikanisme wees? Sal dit noodwendig ʼn slegte ding wees? Dit sal ons dalk juis die geleentheid bied om met vrymoedigheid te begin leef in die land wat ons ís, eerder as die land wat ons dink ons behoort te wees. ʼn Land wat saamgestel is uit minstens 11 uiteenlopende kulture, eerder as een oorkoepelende monokultuur.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

28 Kommentare

Antoinette ·

Ek sal nie my knie buig vir BLM nie. Buig my knie net vir Jesus Christus.

Talia ·

Die mense wat n knie buig vir BLM kan hulle knie oog buig vir Jesus, jy hoef nie te kies nie. BLM is nie n geloof nie.

AndréS ·

Ek ondersteun geen sport meer, tot dit nie meer rasgebonde is nie
Verder ondersteun ek geen vd sport borge ook nie

Adam Adriaan ·

Almal van die BLM knape lei aan ‘n erge ongeneeslike siekte wat soos pes versprei

Nie Verbaas ·

Suid Afrikaanse rugby en krieket verby vir my en dit geld vir enige ander sport waarvoor lafaards nog knie wil buig. Het hulle geen trots meer oor nie? Net so kommunistiese soos ANC regering. Net vir ingeval die bogenoemde klas swape nie verstaan nie, all lives matter! Dankie Kobus Wiese, jy maak ons trots.

Alet ·

Een man word versmoor….hoeveel bloed is al gestort op plase wat GEEN kniebuiging kry nie…KOTS !

Anel ·

Ek was baie groot ondersteuner maar van verlede jaar het ons geen super rugby gekyk nie. Om nie eens van die rugbywêreld beker te praat nie. Geen wedstryd gekyk nie, ook nie krieket nie. Baie beter dinge om nou met my geld en tyd te doen.

Oopkop ·

Ek kyk met ander oë as vootheen na Mark Fish ook. Agting vir die wat nie buig nie en veragting van alle buigers.

Althes ·

Ñ Video word versprei op sosiale media waar ñ bruin pastoor die BLM stigterslede van heksery beskuldig.

Talia ·

Ons moet almal ophou omgee wat elke Jan trap en sy maat te sê het op sosiale media.

Tokkel ·

Wat is rassisme???…dit is wanneer jy kleur sien…My seun moes terugstaan as een van die beste spelers in sy span omdat daar plek gemaak moes word vir ‘n ander kleur speler. Hartseer, maar ons het nie gaan lê en 25 jaar daaroor gesannik nie…Beweeg aan asb!

Werner ·

Het nog nooit in die reenboognasie belang gestel nie trots om n Boer te wees

lodewyk ·

Dis hoekom ek klaar is met SA sport,veral rugby en krieket,dankie maar nee dankie

Andre ·

Kyk ek steun rassime glad nie; rassiste veralgemeen gewoonlik sonder die nodige feite .BLM ‘n beweging wat net aktief optree waar ‘n ander ras ter sprake is. Is daar byvoorbeeld so ‘n beweging se in Kenia of Uganda. Dit blyk dat BLM geen stampe en stote in die lewe wil ervaar nie en moet alles op ‘n skinkbord aangebied word. More is dit BWM( black wickets matter) en wat ook nog verder. Talente en uitstaande vertonings word vandag eenvoudig met ‘n politieke virus besmet. Ek is seker selfsugtig maar wens dat ander nou padgee en dat diegene wat die totale mag wil bekom nou vir eens oorneem

Jannie van Niekerk ·

BLM ondersteuners is misdaad goedgesind. George Floyd, hulle held, was ‘n veroordeelde misdadiger wat met dwelms deurmekaar was en gewapende roof (‘n geweldsmisdaad) gepleeg het. M.a.w. menere BLM ondersteuners, sonder vrees vir teëspraak, julle is onderteuners van geweldsmisdaad.

Talia ·

Hy het nie n geweer gehad nie. Hy het smokes probeer koop met n vervalste noot en het met sy lewe betaal, gaan kyk hoe word hy vermoor en kry jou feite reg. Dit gaan ook nie net oor hom nie, hy was net die ‘latest’ swart mens wat sy lewe onregverdig verloor het by die polisie.

'n Simpelman ·

In enige firma mag jy nie politieke drag of slogans doen. So waarom sport verskillend.

B. M L.
Doen die mense nie hulle navorsing oor ‘n organisasie voordat hulle dit ondersteun.

Leeuwyfie ·

Die steun vir hierdie terroristiese groep is skrikwekkend. Maar nouja so was dit ook vir die ANC.
BLM brand bybels, brand plekke af, slaan/skiet mense wat nie saamstem nie. Hulle is marxisties en militêristies. Yuri Bezmenov het mooi verduidelik hoe hierdie program werk. Gaan soek dit gerus op op YT. Die eerste rugby game is die 8ste Augustus, dit gaan interessant wees om te sien wie gaan staande bly en wie gaan buig.

Jacobus ·

Opskrif moet wees. “Verpolitisering die laaste spyker in die doodkis van Suid Afrikaanse sport. Verstaan mooi, hierdie is nie ‘n produk van ons onverdraagsaamheid tenoor transformasie nie. Eerder maasa selfmoord van redelikheid en ‘n publieke uiting van stupidity..

Talia ·

Ons as Suid Afrikaaners sal nooit eerste Suid Afrikaners onself sien as ons aanhou onself verdeel nie. Ek dink jy het nounet ons weer verdeel, hoe kan ons ooit saamstaan as artikels soos die gepubliseer word!?

Kyk, ek was nie baie gelukkig dat ons local krieket kniel vir n internasionale probleem nie. In ons eie land het ons baie groter probleme, geweld teen Vroue en Kinders in die land is iets om oor te huil elke aand en dit voel vir my of almal praat daaroor maar niks werklik doen nie. Hoekom buig hulle nie n knie vir elke vrou en kind wat vermoor en mishandel word nie!?

Ek dink vir Amerika is BLM baie belangrike beweging maar dat dit met ons niks te doen het nie. Swart mense word defnetief verkeerd behandel in daai land en hulle moet opstaan vir hulle self en die wit populasie van daai land moet ook opstaan vir hulle teen hulle regeering.

Ek wil hê ons moet saamstaan as n nasie, kan jy asseblief vir ons n beter artikel sryf oor jou opinie oor hoe ons dit kan doen.

Altus ·

John Vorster het persoonlik opdrag gegee ek moet aangehou word vir my anti – apartheids aksies na ek met hom gestry het by n politieke vergardering.
Ek moes oorsee werk om uit die tronk te bly.
Vandag begin ek dink miskien was ek verkeerd.

Tjaart ·

Die Engelse spreekwoord sê “Fools rush in where angels fear to tread ” Ek dink hier het mense ook weens groepsdruk op hulle knieë gegaan sonder om te weet waaroor dit gaan. Wat ek nie kan verstaan nie, is waarom hulle nie hulleself na die tyd van BLM as organisasie gedistansieer het, na hulle die feite gekry het nie.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.