Nuuskommentaar: Wag voor die mond én oor voor gevolgtrekking

‘n Skermskoot uit die video van die voorval toe Ashwin Willemse tydens ‘n regstreekse uitsending van die Supersport-stel af gestap het.

Plaaslik onder meer die Ashwin Willemse-sage en internasionaal die afstel of hopelik net uitstel van vredesamesprekings toon hoe versigtig uitsprake in multikulturele omgewings gemaak moet word, maar ook hoe fyn luistervaardighede ontwikkel moet wees.

Dit blyk toe ’n nierassige, onskuldige opmerking te wees wat tot die uitval tussen Willemse en sy mede-aanbieders op SuperSport gelei het. Nie net tussen hulle nie, maar volgens verskeie ontleders wat met baie skerp ontleedmesse ingeklim het, het dit ou wonde langs die land se heterogeniteitslyne getrek. Daarvan is so baie, min mense is oorgesien, hetsy as slagoffers of as passief aandadig. Lees hier.

Maar baie van hierdie ontleders hou nou by hul grofgeskut, en meen die kwessie van onskuldig, en losstaande van ras of rassisme, is eintlik net ’n toesmeerdery.

’n Baie soortgelyke stryd het hom rakende AfriForum en veral sy leiers afgespeel. Trouens, dit lyk nie of die twis verby is nie, en so onsinnig soos dit klink, dui al meer van die molshope met dieselfde verdraaiings en wanvoorstellings wat AfriForum bykans oortyd moet weerlê, op ’n komplot – ’n woord wat nou al in die media opgeduik het.

So asof sekere mense, onder andere wat hul titels van akademici verbete aankleef, nie suiwer akademies bereid is om die saak objektief te betrag nie. Lees gerus Kallie Kriel se repliek op prof. Amanda Gouws se petisie teen Ernst Roets hier.

Niemand sal stry dat dit in ’n heterogene land met uiteenlopende geskiedenisvertakkings onwys is om die spreekwoordelike halwe woord te spreek nie, veral nie nog met ideologiese voorkeure wat in mededinging staan nie.

Dan is die kommunikasieproses eintlik ook uiters kwesbaar. Breedweg word gepraat van ’n sender, medium van kommunikasie en ’n ontvanger. Die proses gaan egter ook deur ’n stelsel waarin talle invloede, van belangrike sake soos eie oortuigings en beginsels, tot skynbaar onbenullige sake soos die kant van die bed waarvan mens die oggend opgestaan het, ’n invloed uitoefen oor hoe die boodskap ontvang en vertolk gaan word.

En dié bietjie kwasi-akademikaans is baie, baie oorvereenvoudig.

En dan is daar wêreldsake. Dit geskied ook teen ’n agtergrond van heterogeniteit, asook tradisionele vyandigheid, botsende tradisies, en vele meer.

Die toenadering tussen die twee Koreas het dus ’n skeptiese wêreld verstom, maar van buite af was dit baie moeilik om swak of oneerlike plekke in die proses op te merk. Die Noord-Koreaanse leier, Kim Jong-oen, het skynbaar daarin geslaag om oornag sy beeld en rol in wêreldpolitiek om te keer.

Vredesamesprekings tussen Kim en pres. Donald Trump van die VSA het egter nog onwaarskynliker gelyk, maar is skynbaar met min haakplekke vir 12 Junie in Singapoer beplan. En toe kanselleer Trump dit ná uitlatings uit Noord-Korea hom nie aangestaan het nie. Hy voorsien wel dat die samesprekings nog later wel kan plaasvind, maar dan moet die Noord-Koreane hul beste diplomatieke tong voorhou.

Dit blyk egter dat ’n vroeëre opmerking oor Noord-Korea en die voormalige Libiese diktator Ghaddafi, deur visepresident Mike Pence, in Noord-Korea bly krap het. Kim het naderhand ’n noot ingesit wat Trump boos gelaat het. Die Amerikaners se volledige verduideliking kan in ’n brief aan Kim hier gelees word.

Die Noord-Koreaanse diktator, Kim Jong-un, tydens ʼn militêre optog in Pyongyang, Noord-Korea (15 April 2017). Foto: AP Photo/Wong Maye-E, File

Kim se sensitiwiteit oor ’n opvatting dat Noord-Korea die knie simbolies teenoor die VSA moet buig, herinner aan Willemse se opvatting dat hy ’n onskuldige opmerking van Naas Botha as ras-kwetsend ervaar het.

Verskillende aannames oor historiese (en huidige grondbesit) in Suid-Afrika lei ook tot spanning wat baie moeilik deur allerlei versekerings (sommige wat maar bra misplaas voorkom teen die agtergrond van die rol wat departementele onbevoegdheid en korrupsie in die mislukkings van die verlede gespeel het, en die hand van bereidwilligheid wat telkemale met soliede planne aangebied, maar weggeklap is) gesus kan word.

En hoe ’n groot prys is die wegbêre van Die Stem en die ou landsvlag? Veral solank ’n deel van die ou volkslied in die huidige volkslied beredder kan wees, al is die aanslag hierteen ook al sterk en met kwetsende woorde belaai?

Veral as toegewings al vantevore ter wille van dié of daai as swakhede ervaar en verder uitgebuit is.

Strooipoppe is volop, maar, so lyk dit, die ware karakter waarvan strooipoppe gemaak word, kan soms nogal ruggraat hê en gaan vasstaan.

En dan, soos AfriForum agtergekom het, hom teen ’n situasie vasloop waar die teenstanders en die vyfdekolonners ’n soort kollektief vorm, al is dit hoe onbedoeld.

En net soms omdat iemand nie omgee oor die gevolge oor die onversigtige inspan van die tong nie.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Nuuskommentaar

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

29 Kommentare

Haibo ·

ASHWIN moet dan aangekla word vir naamskending omdat hy Naas en Mallett apartheidspelers genoem het en beweer het dat hulle na hom as kwotaspeler verwys. Dit is met ander woorde ONWAARHEDE en ‘n klad op hulle naam wat HY geplaas het. OM nou hande te skud en aan te gaan los GEEN probleem op nie. Almal weet nou wat gaan in sy kop aan … en hulle moet hom vasvat … !!

Alida ·

Mense en veral die media span mos altyd die wa voor die perde in. Wag tot julle die regte redes het en praat dan.

Al ·

Ek is bly die debakel van Ashwin Willemse het gebeur.
Dit is ñ goeie pluimpie vir Afriforum wat buitelandse steun werf.
Wat gaan Trevor Noah met die debakel doen – of gaan dit ook ñ stille dood sterf.
Voortydige uitsprake het Min van Sport en Castle en joernaliste rooi van verleentheid – en skerm nou vir sg. toesmeerdery. Gaan Castle nou sy sosiale blaps herstel en nog sy label-lose bier ten toon stel nadat Naas en Nick Malett daardeur juis ge-ettikeer is.

Vra ·

Ek wonder of die Springbokke gaan afstap as hulle teen Engeland speel? Willemse het die voorbeeld gestel.

Spike ·

Watse skade is nie aan Naas en Nic gebring nie. Die mense is so liggevoelig en kinderagtig. Die min. van sport en almal wat agter willemse gestaan het behoort om verskoning te vra as hulle enigsins integriteit het.

Vra maar net ·

En nou?…wat gaan Castle nou doen? Nog steeds voortgaan en lable-less hulle bier bemark….😁😁😁

Johan ·

Geagte Minister van Sport (ekskuus ek ken nie haar naam nie, want sy is so TOTAAL onbekend in sportgeledere).

Graag wil ons as sport ondersteuners van u verneem, wanneer ons ‘n verskoning van u te wagte kan wees? By gebrek van ‘n verskonig, moet u ons nie kwalik neem as ons u in die toekoms van allerlei onwaarhede gaan beskuldig nie.

Wagtend .

Liberaal ·

Ons liberales is ten volle vir vryheid van spraak…maar liberales sal dit wat jy se teen jou hou, en sal dit interpreteer om die liberale agenda te ondersteun, en sal die kragtige liberale massamedia gebruik om jou lelik te druk as jy waag iets se.

Dienkie ·

Ashwin Willemse moet vir Naas Botha en Nick Mallett omverskoning vra.

Tienie ·

Weet jy dit is iets van om naar te word – dat ‘n tegniese fout in die hedendaagse tegnologie (soos vasgestel deur die SS-uitsaaier ) as ‘n rasse voorval beskryf word deur die minister van sport en dat Ashwin Willemse die vingers wys na sy mede aanbieders . Ek dink hy was onvoorbereid om kommentaar te lewer oor die wedstryd en dit het hom onkant gevang en hy het probeer om dit af te water en hom die vernedering te probeer spaar deur Nick en Naas aan te val .

#[email protected] ·

maar weet jul nogi dat die poste in n hoed gegooi word en ongelukkig sal die oorgroot meerderheid die looitjie trek wat hy/sy niks van weet. maar ja SA bo!!! …en van die storie af hoop ek al die oorblywende boere vat hul goed en trek Australia toe wat hul met ope arms verwelkom. want ons kos en melk en groente en vrugte kom tog hoeka van checkers, spar en picknpay af, nie van die boere nie….☺☺. ek love hierdie land…

nie blind nie ·

Liberales is besig om in die minderheid te raak – ek sien dit oorsee ook.
Liberales gaan ook die oorsaak van hulle eie ondergang wees – dit weet ons tog wel. Nie nou al – maar later.

Liberaal ·

Natuurlik, ons liberales is uit op n missie vir selfvernietiging. Ons erken ons moet plek maak vir ander en ons eie kultuur tot niet gaan want dis mos die regte ding om te doen. Ons moet terugstaan, als weggee.

Jammer vir jouself ·

Neewat, hou maar verby met Willemse – ook met Castle.

honourable member ·

En so wys hierdie mense maar almal een of ander tyd hulle ware kleure. Eintlik behoord hierdie Willemse van naamskending aangekla word maar nou word sy swak gedrag toegesmeer met allerande verskonings. Naas hulle moet seker ook nou maar net op hulle tande kners en aangaan asof niks gebeur het nie.

Gerhard Bezuidenhout ·

Willemse het aangejaag en sal altyd met minagting deur die kykers van SS behandel word .Die Minister van Sport en Jansen en Boesak en al hul meelopers se spoeg het opgedroog. Sies !!!!!!!

Nel ·

Wel Willemse jy’s die een wat die slegste van dié sage afgekom het, want jy het vir almal gewys hoe bevooroordeeld jy werklik is. Pleks jy maar gesig gehou het en na die uitsending jou griewe gelig het.

Willem ·

En wat van al die koerant kommentators wat hy op sleeptou geneem het, onder van sy eie mense, wat moet hulle hiervan maak?

Koos de Meyer. ·

Man die klomp se vel is te dik om omveskoning te vra. Dadelik bevoor oordeeld. Siek, kinderagtig, waar kom hulle rassisme nou in. Ont hou net, die minister is nie Afrikaans magtig nie so julle moet maar vir haar in Engels sê.

Reguit ·

Multi-kulturalisme en gelykheid (geforseerde vermenging en integrasie) is ‘n valse en gefaalde ideologie.

Liberaal ·

Ja ons liberales het besluit diversiteit is nie meer in nie, almal moet nou soos ons dink en hulle eie identiteite opgee. Ons sal jou met die media en wette peper tot jy soos ons wil gevorm word.

Reguit ·

Haai Liberaal, daar lees jy my gedagtes. Die witmense dink mos gans en al te veel. Hulle moet mos minder dink en net luister….. ek meen….. doen wat die linkses hulle voorskryf.

Gertryda ·

Hul is van lug af vir die Saterdag
Probleem ver van opgelos
So byt die blankes maar altyd die spit af
Humor verskil tussen nasies

Paul ·

Errol Tobias het in die week gesê wit mense moet nie minder krities teenoor anderskleuriges wees, net omdat hulle anderskleuriges is nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.