Pakamile Pongwana, voormalige uitvoerende lid van Vodacom, is as hoof uitvoerende beampte van die Onafhanklike Kommunikasie-owerheid van Suid-Afrika (Okosa) aangestel.
“Pongwana volg Themba Dlamini op wie se drie jaar termyn teen die einde van Oktober uitloop,” het Paseka Maleka, woordvoerder van Okosa, Maandag gesê.
Pongwana het vroeër as adjunk direkteur-generaal vir die telekommunikasiebeleid in die departement van kommunikasie gedien. Sy aanstelling geld van 1 November.