Zuma tydens die spesiale perskonferensie Foto: Barry Bateman van EWN op Twitter (@ewnreporter)
President Jacob Zuma het Dinsdag tydens ʼn spesiale mediakonferensie skommelinge aan sy kabinet aangekondig.
“Twintig jaar van demokrasie het ons land se aansien verander, en die afgelope vyf jaar het daardie veranderinge selfs nog verder vorentoe geneem,” het Zuma gesê. “Die prestasies kan toegeskryf word aan talle van ons ministers, premiers, adjunkministers, lede van die uitvoerende raad, burgemeesters en talle ander mense wat geswoeg het om die proses van transformasie in te lyf en die lewensgehalte van die publiek te verbeter.”
Die nuwe ministers en adjunkministers is soos volg:
1. Die minister van samewerkende regering, Lechesa Tsenoli;
2. Die minister van menslike nedersettings, me. Connie September;
3. Die minister van kommunikasie, Yunus Carrim;
4. Die minister van energie, Ben Martins;
5. Die minister van vervoer, me. Dipuo Peters;
6. Die adjunkminister van justisie en konstitusionele ontwikkeling, John Jeffery;
7. Die adjunkminister van wetenskap en tegnologie, Michael Masutha;
8. Die adjunkminister van samewerkende regering en tradisionele sake, Andries Nel;
9. Die adjunkminister van plattelandse ontwikkeling en grondhervorming, me Pamela Tshwete.
Zuma het die voormalige ministers vir hul bydrae bedank.
Die nuwe lede sal Woensdag [10 Julie] hul eed aflê.
Was “onbevoegdheid” al weer die wagwoord , of het die vorige ministers nie genoeg gedoen om Zuma te verryk nie ?
“Die adjunkminister van samewerkende regering en tradisionele sake, Andries Nel”
‘n Man met ‘n Afrikanernaam in beheer van tradisionele sake? Wie is die man?