Die Openbare Beskermer, Thuli Madonsela. Foto: GCIS
Die Openbare Beskermer (OB), Thuli Madonsela, het aan die Sondagkoerant bevestig dat beamptes van haar kantoor die week met die nasionale tesourie sal vergader om aansoek te doen vir “noodbefondsing” van R30 miljoen om die ondersoeke voort te sit. Volgens wetgewing mag Madonsela ander staatsliggame soos die Valke om hulp versoek. Sy sê egter die ondersoekafdelings se geld is ook te min.
