Obama gaan nie Madiba besoek nie

Amerikaanse president Barack Obama

Die Amerikaanse president Barack Obama se program vir sy besoek aan Suid-Afrika sluit nie ʼn besoek aan voormalige president Nelson Mandela in nie.

Volgens ʼn program wat deur die departement van internasionale betrekkinge vrygestel is, sal hy aan bilaterale gesprekke deelneem, ʼn Jong Afrikaleiers-gesprek bywoon, en Robbeneiland besoek. Hy sal ook talle plekke in Kaapstad besoek en ʼn toespraak lewer by die Universiteit van Kaapstad. “Pres. Obama sou graag vir Madiba wou sien,” het Maite Nkoana-Mashabane, minister van die departement, gesê. “In my land, op my ouderdom, wanneer mense sieklik is, gee ons vir hulle die spasie om te herstel,” het sy van Mandela gesê wat in ʼn kritieke toestand in die Medi-Clinic Harthospitaal in Pretoria is.

Indien Obama tyd het, sal hy moontlik besoek aflê aan die verteenwoordigers van die Nelson Mandela-stigting.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.