ʼn Vragmotorbestuurder is in ʼn ernstige toestand nadat twee swaarvoertuie Vrydagoggend op die Van Reenenspas gebots het.
Die botsing het veroorsaak dat een van die swaarvoertuie, ʼn olietenker, omgeslaan en sy olie oor die pad gemors het. “Die bestuurder van die olietenker is op die toneel gestabiliseer. Hy is na ʼn hospitaal in Harrismith geneem vir verdere behandeling,” het Chris Botha, ʼn woordvoerder van Netcare 911, gesê.
Die pad moes vir verkeer gesluit word om die toneel op te ruim.