Noord-Korea se vroue-sokkerspan het Woensdagaand tydens die Olimpiese Spele van die veld af gestap nadat organiseerders per abuis hulle voorgestel het deur die vlag van Suid-Korea, hul aartsvyande, te vertoon.
Hul wedstryd teen Colombia in Hampden Park, Brittanje, is vir sowat ʼn uur vertraag terwyl die probleem uitsorteer is. Nadat die wedstryd uiteindelik begin het, het Noord-Korea hul opponente 2-0 geklop.
Locog, die organiseerders, het om verskoning vir dié blaps gevra.
Dr. Aiden Foster-Carter, ʼn Koreaanse kenner aan Leeds Universiteit, het aan The Telegraph gesê die spanning loop tans hoog tussen die wêreld se laaste Stalinistiese-regime en sy kapitalistiese eweknie in die suide. “As die spelers nie só opgetree het nie, sou daar dalk strafregtelik teen hulle opgetree word,” het Foster-Carter gesê.
Die vlag van Noord-Korea
Die vlag van Suid-Korea
