Van der Burgh en Chad le Clos het Suid-Afrika iets gegee om oor opgewonde te wees ná atlete in ander items teleurgestel het, berig EWN. Van der Burgh het die item in 58.83 sekondes voltooi en is nou die gunsteling om in Sondag se finaal die goud in te palm. Fabio Scozzoli van Italië was tweede met 59.44 sekondes en Brenton Rickard van Australië, derde met 59.50 sekondes.
Le Clos het deurgedring na die 400m-individuele wisselslag finaal deur in die vyfde plek te eindig. Dié swemmer van Durban het sy persoonlike beste verbeter deur binne 4:12:24 minute te eindig.
Banyana Banyana het Saterdag hul tweede wedstryd in die vroue sokker verloor. Hulle het Donderdag 4-1 teen Swede verloor en Saterdag 3-0 teen Kanada. Hulle sal Dinsdag teen Japan speel.