Caster Semenya. Foto: Getty Images
Hoop om nog ʼn medalje by die Olimpiese Spele in te palm val op Caster Semenya wat Donderdagaand vir die finaal van die 800m-naelope gekwalifiseer het. Semenya het haar uitdunronde met 1:59:42 gewen.
Semenya het Donderdagaand kort ná haar oorwinning gesê sy is bly om na die finale deur te dring. “Dit was ʼn baie harde semi-finaal, maar ek het my beste gegee. Ek het baie hard geoefen en moet nou net op die finaal fokus, niks anders nie. Die tyd wat ek gehardloop het maak my vol vertroue,” het sy gesê.
Die 800m-naelope se finaal vind Saterdagaand om 21:00 plaas. Suid-Afrika lê tans 21ste op die medaljeranglys met ʼn totaal van vyf medaljes, drie daarvan is goud, een silwer en een brons.
