Onbeskermde staking by Poskantoor

Argieffoto

Die Suid-Afrikaanse Poskantoor het Dinsdag in ʼn verklaring bevestig dat ʼn onbeskermde staking posverspreiding in sekere dele van die land beïnvloed.

Volgens Christopher Hlekane, woordvoerder van die Poskantoor, het die staking Maandag begin. Dit is nog nie duidelik watter gedeeltes van die land hierdeur geraak word of hoeveel werknemers aan die staking deelneem nie.

Hlekane het gesê indien werknemers nie werk nie, ontvang hulle nie ʼn salaris nie.