Argieffoto
ʼn Dief is glo besig om ʼn gemeenskap in KwaZulu-Natal te teister deur vroue se onderklere van wasgoeddrade af te steel.
Die Sowetan het Dinsdag berig vroue van Phoenix, noord van Durban, sien gereeld hoe ʼn welgeklede man na wasgoedlyne loop en hul onderklere steel. Een vrou het al sewe stukke onderklere só verloor. Een vrou beweer die man het haar onderklere gesteel, maar haar skoonma se onderklere ongedeerd gelaat.
“Dit is duidelik dat hy ‘n soort seksuele plesier hieruit kry want hy steel net “sexy” onderklere,” het die vrou gesê. Die vrou sê sy besef dit is diefstal, maar het nie die voorval by die polisie aangemeld nie.
